Uztaileko eta abuztuko jaiak

Uztailaren bigarren hamabostaldian, Eraiki Dantza Taldeak nazioarteko gazteen folklore jaialdi hau antolatzen du. Astebetez, gutxigorabehera, nazioarteko hainbat dantza taldek irundarren artean beren kultura eta folklorea zabaltzen dute.

Oiasson, gure aroko 70-200 urteen arteko erromatarren kokaleku eta kai aktiboan historia berreraikitzeko egiten den jaialdia da. Isis jainkosari, alegia, itsas-arloa eta nabigazioa babesten zuen jainkosari dago eskainia. Uztailaren erdialdera, Oiasso Erromatar Museoak hainbat ekintza antolatzen ditu museoaren beraren inguruan jende orori begira: antzerkia, gastronomia, tailerrak (erromatar jokoei, gladiadoreei, meatze-ingeniaritzari, saltus vasconum-eko geografiari buruzkoak), Irun 2 egunez erromatar herrixka bilakatuko dutenak.

1996an, Eraiki dantza taldeko partaideek Bidasoaldeko Nazioarteko Gazteen Folklore Jaialdia antolatzearen beharra ikusi zuten; helburutzat dantzariak saritzea eta ikasturtean zehar egindako lana zabaltzea zelarik.

Proiektua aurrera atera ahal izan zen guraso eta dantzarien lan eskuzabalari esker.

Euskal Jira garai bateko euskal gizartearen bizimodua, ohiturak eta zaletasunak gogoratzeko jai bat da, auzo-elkarteek, kultur elkarteek, gastronomiakoek eta abarrek berreskuratu dutena, eta jaiegun bat antolatzen dute horren inguruan.

Irungo Euskal Jira abuztuko lehenengo larunbat arratsaldean egiten da. Jai horren berezitasun nagusia da, gainerako euskal jaietatik bereizten duena, idiekin eramaten diren gurdiek parte hartzen dutela. Gurdi horien gainean aurreko hamarkadetako Irungo gizartearen ohizko eszenak berregiten dira (normalean, Irungo eraikin, ohitura edo leku ezagunak). Gurdi horiek hiriko erdigunetik desfilatzen dute Urdanibia plazaraino, eta han, euskal tradizioko musika eta dantzekin emanaldiak eginez jarraitzen du jaiak.