Beste aukera batzuk - Hiria eta historia
X
Androiderako deskarga
Ezagutu Irun
Irungo historiari buruzko App
Pinakoteka
Irungo Udalak pintura-artearen lagin asko bildu izan ditu, azken urte hauetan bereziki, eta gaur egun pisu handiko pinakoteka dauka.
Mailadi nagusia igotzean, lehenengo margolanarekin egingo du topo bisitariak: Udaletxea irudikatzen duen olio-pintura, Mensu margolari irundarrarena.
Solairu nagusiko korridorean, Areto Nagusiaren alboetan, Arte Ederretako Zuzendaritza Nagusiak utzitako neurri handiko bi itsasontzi daude; Prado Museokoak dira. "Nuevo Peligro" eta "Un Abordaje" dute izenburua, eta Fernández Alvarado eta Enrique Saborit dira egileak, hurrenez hurren.
Areto Nagusiaren aurrean, eta Alkatetzarako sarreraren alboetan, honako hauek ikus daitezke:
- Eskuinaldera, “Paisaje de Olaberria” koadroa, Gaspar Montes Iturriozena.
- Ezkerraldera, Pérez Escrich nobelagilearen erretratua, Navarrete y Fos margolariarena.
- Areto Nagusira sartzeko bi aldeetan, bi artelan daude: “Pescadores”, Enrique Albizurena, eta Salvador Echeandía Galen gorputz osoko erretratua, Elías Salaverría margolariarena. Echeandia irundar ospetsua eta hiriko seme kutuna izan zen.
Areto Nagusiaren barrualdean, koadro interesgarri batzuk daude ikusgai:
- Ignacio Zuloaga margolariaren "Mujeres de Sepúlveda" obra, udal-bildumako lan guztien artean garrantzitsuenetako bat eta kritikak gehien estimatzen duenetako bat. Haren ondoan, irundarrentzat garrantzi handia duten bi lan. Garrantzitsuak, bai gaiaren aldetik, tokiko bizimodu eta eszenatokien irudiak gogorarazten dituztelako, bai egileen aldetik, bi irundar ospetsu direlako.
- "Incendio, ruinas de Irún", Gaspar Montes Iturriozena, sartu eta eskuinaldera.
- "Etxekoandre del caserío Berroa", Vicente Berruetarena, ezkerraldera.
Alkatetzako geletan, koadro hauek nabarmentzen dira, besteak beste:
- "Lumière electrique", Darío Regoyosena.
- "Virgen del Juncal", Gaspar Montes Iturriozena.
- "Pescadores", Bienabe Artíarena.
- "Bahía de Txingudi" Menchu Galena.
