Bizikleta-mugikortasuna

Alde batetik, ezinbestekoa da bizikleta-ibilbideen sare bat edukitzea, erabiltzaile berriek bizikletarekin konfiantza izan dezaten ohiko bidaia asko bizikletaz egiteko.

Sare nagusiarekin ezin da udalerri osoa zerbitzatu, beti egin beharko baita bidea bizilekutik edo eguneroko helmugetatik ibilbideetara hurbiltzeko, eta, era berean, ia ezinezkoa da sare bereizi bat diseinatzea, hiri-mugikortasuneko gainerako bitartekoetatik bereizita, eta, gainera, kontua ez da hiri-bideetan "kirola" egin ahal izatea; horietan, uneoro, oinez dabiltzanek izan behar dute lehentasuna.

Horregatik, zentzuzkoena da bizikleta garraiobide lehiakor eta seguru gisa integratzen joatea hiri-mugikortasuneko sisteman. Eta, horretarako, moduen arteko koexistentzian oinarrituta asmatu behar dira irtenbideak; horrela lagundu egingo da bide horietan trafikoa arintzen ere.