Agenda 2030 eta GJHak
Garapen Jasangarriko Helburuak (GJH) ekimena ekintzarako dei unibertsal bat da pobreziari amaiera emateko, planeta babesteko eta mundu osoko pertsonen bizitzak eta aukerak hobetzeko.
2015ean, Nazio Batuetako estatu kide guztiek 17 helburu onetsi zituzten, Garapen Jasangarrirako Agenda 2030 ean sartzeko; eta agenda horretan, plan bat ezartzen da helburuak 15 urtetan lortzeko.
Garapen Iraunkorrerako 2030 Agendaren arabera, lehen aldiz, eskualdeetako eta tokiko gobernuak lehen mailako aliatuak dira Garapen Iraunkorreko Helburuak lortzeko.
Nazio Batuen Batzar Nagusiak 70/01 "“Gure mundua eraldatzen: Garapen Jasangarrirako Agenda 2030" ebazpena onartu zuenean sortu zen.
Honako hauek dira Agenda 2030en funtsezko elementuak
- Pertsonak: inor atzean ez uztea. Ziurtatu egin behar da inori ez zaizkiola ukatzen giza eskubide unibertsalak eta oinarrizko aukera ekonomikoak.
- Planeta: planeta babestea jomuga izatea; jasangarritasunak gizartean, ekonomian eta ingurumenean dituen dimentsioak integratzea.
- Oparotasuna: ekonomiak eraldatzea, gizaki guztiek bizitza oparoa, betea eta naturarekin harmoniatsua izan dezaten.
- Bakea: bakea eta erakunde eraginkor, ireki eta arduratsuak eraikitzea.
- Aliantzak: mundu-mailako aliantza berri bat eraikitzea, eragile gehiago bilduko dituena eta monitorizazio-mekanismo indartsu eta independentea izango duena.
