Elkarteak eta jarduerak

Apirilaren 29a Belaunaldien arteko Elkartasunaren Europako Eguna da.

Apirilaren 29an, urtero, belaunaldien arteko elkartasunaren eguna ospatzen da Europan. 2009ko apirilaren 29an ospatu zen Belaunaldien arteko Elkartasunaren eta Lankidetzaren Europako lehen Eguna, gobernuz kanpoko hainbat erakundek bultzatuta, hala nola Adinekoen Europako Plataformak (AGE) eta European Youth Forumek (YFJ). Horiek Europako Batzordearen erronka demografikoei buruzko Liburu Berdean (2005) jasotako ondorioak hartu zituzten abiapuntu. Liburu horretan, belaunaldien arteko elkartasuna indartzeko beharra planteatzen da, eta adinekoek garapenean laguntzen jarrai dezaten ahalbidetzea, hala nahi badute.

Belaunaldien arteko elkartasunak gazteen eta adinekoen arteko lankidetza eta belaunaldien arteko elkarreragina sustatzen ditu, trebetasunak, balioak eta esperientziak partekatzeko eta zahartze aktiboa sustatzeko. Gazteek eta adinekoek elkarrekin parte har dezakete trebetasunak eta elkar ezagutzea sustatzeaz gain adinekoen bizi-kalitatea hobetzen laguntzen duten jardueretan.

1990eko abenduaren 14an, Nazio Batuen Batzar Nagusiak, 45/106 Ebazpenean, urriaren 1a aukeratu zuen Adinekoen Nazioarteko Eguna izan zedin.

Europar Batasunak aitortzen eta errespetatzen du adinekoek eskubidea dutela bizitza duina eta independentea izateko eta gizartean eta kulturan parte hartzeko.

Horretarako, haien ongizatea sustatuko dute erakundeek, gizarte-zerbitzuen sistema bat ezarriz osasunaren, etxebizitzaren, kulturaren eta aisialdiaren alorreko arazo espezifikoei erantzuteko.

Testuinguru horretan, eta adinekoen diskriminazioaren aurka kontzientziatzeko, zahartzeari buruzko estereotipo negatiboei eta ideia faltsuei buruz ohartarazteko eta estereotipo eta ideia horiei aurre egiteko, adinekoen Nazioarteko Eguna sortu zen, zahartzaroaren inguruko estereotipoen aurka borrokatzeko, eta are gehiago, adineko askok jasaten dituzten tratu txarren aurka borrokatzeko.