Astearte honetan, azaroak 29, harrera egin zaie Irungo udaletxeko areto nagusian munduko trinketeko txapeldunordeei: Ander Monserrat, Unai Sagarzazu eta Sebas Martínez. Ekitaldia 18:30etan hasiko da, eta Gorka Pablos eta Aritz Larrarte taldekideen lana ere aitortu da bertan.

 

José Antonio Santano alkateak eta Miguel Ángel Páez Hirigintzako ordezkariak prentsaurreko bat eman dute gaur, Korrokoitzeko plan bereziaren puntu nagusien berri emateko. Gogoan izan behar da udalbatzak azaroko ohiko bilkuran onetsi zuela plan hori.

«Korporazioak aho batez onetsi zuen hirigintzako funtsezko izapide hori eta, horri esker, 16.000 m2-tik gorako eremu bat berritu eta berrantolatuko dugu Alde Zaharrean. Urrats hori baino ez zaigu falta Irungo eremu enblematiko horren hobekuntza integrala osatzeko. Horrela, lotura berriak zabalduko ditugu hiriko Alde Zaharraren eta Arbes eta Palmera Montero inguruen artean», nabarmendu du Santanok.

Datorren astean, abenduaren 1ean, Miguel Ángel Páez Ogasuneko ordezkariak jendaurrean aurkeztuko du 2023rako Irungo aurrekontu orokorren proiektua. Azken urte hauetan gertatu bezala, herritar guztiei zuzendutako topaketa ireki bat izango da. Taula eta grafiko batzuez baliatuz aurrekontuen proiektuaren ildo nagusiak azalduko dira. 

Hitzordua Oiasso erromatar Museoan dago programatuta eta 19:00etan hasiko da.  

  

Oiasso museoak, Gipuzkoako Foru Aldundiaren laguntzarekin, jarduera programa erakargarria osatu du Abenduaren 1etik 4ra Euskaraldia eta Euskararen Nazioarteko Eguna direla eta.

Abenduaren 1ean, osteguna, arratsaldeko 19:00etan Kontaiguzu dakizuna! zikloan euskaraz izango ditugu hitzaldiak. Juanma Aramendi-k "Forau de la Tuta (Artieda) aztarnategi arkeologikoa" gerturatuko digu. Ondoren Iñigo Osa-k arraunlarien mundua gaia jorratuko dugu. Kontaiguzu dakizuna! hitzaldi laburretan Oiasso Museoko lagunek historiari, arkeologiari, mitologiari, pentsamenduari, tradizioei, bitxikeriei eta ohiturei buruz daukaten ezagutza partekatu nahi dugu, edo pertsonaia ospetsuengana hurbiltzeko, edo leku zirraragarrietara bidaiarazteko. Parte hartzaile bakoitzak 20 minutuz jardungo du, proposatzen duen gaiari buruz. Ondoren galderak eta komentarioak egiteko aukera egongo da.

Santi Jiménez Hezkuntzako ordezkari eta Musika Eskolako presidenteak jakinarazi du Iñigo Muguruza bekaren bigarren edizioa nork irabazi duen. Hautatutako proiektua «Musika modernoa murgiltzeko harizko musika-tresnentzako ikastaroa» da, Eñaut Zubizarretak (Aretxabaleta, 1992) aurkeztua. Proiektuaren egilea gaur goizeko aurkezpenean izan da, eta proposamenaren helburuen berri eman du:

     - Musika-lengoaia modernoaren oinarrizko ezagutzak zabaltzea hari igurtzizko musika-tresnen esparruan.

     - Ezagutzak eta material didaktikoa eskaintzea hari-igurtzizko musika-tresnen euskal komunitateari.

    - Irisgarritasuna eta hedapena sakontzea, online bidea erabilita.

     - Azken berrogei urteetan Euskal Herrian sortutako musika-errepertorioa ezagutzera ematea. Euskal musika eta euskara mundu osoan zehar zabaltzea.

            Rebeca González Balioetako ordezkariak astelehen honetan jakinarazi ditu Udalak abenduaren 10ean ospatzen den Giza Eskubideen Nazioarteko Egunaren harira antolatu duen programako jarduera guztiak.

Zehazki, «Giza Eskubideen Aste» bat sortu da, abenduaren 2tik 16ra luzatuko den programa batekin. «Giza Eskubideez ari garenean, gure auzo, komunitate eta familietan egunero izaten diren egoera eta desadostasunez ere ari gara. Beraz, helburu nagusia da, gure jarrera eta ekimenen bidez, gizarte justuago, jasangarriago, berdinago eta solidarioago bat sortzea, une oro pertsona guziek Giza Eskubideak errespetatuta», azaldu du Rebeca Gonzálezek.

Arlotik, gainera, honela justifikatu dute ekimena: «gogoan izan behar dugu etengabe aldatzen ari den gizarte batean bizi garela, gero eta erritmo bizkorragoan aldatzen ari den gizarte batean, hain zuzen.  Dibertsitatearekin, berdintasunarekin edo ingurumenarekin lotutako alderdiek gero eta garrantzi handiagoa hartzen dute mundu globalizatu eta digitalizatu honetan, eta alderdi horiek guztien bete-betean eragiten diete gizarteari eta eguneroko bizitzari».

Azken Portu kiroldegia

Eskola kiroleko ur jaialdia eta igeriketa lehiaketa bat direla eta, behean aipatzen den egun eta ordutegian Azken Portu kiroldegiko IGERIKELUAK ITXITA egongo dira jendearentzat:

  • Eguna: 2022ko abenduak 3, larunbata
  • Ordua: 08:30 - 12:30 eta 14:45-19:00

Barka eragozpenak.

Jasotako eskaera guztien artean zozketa egin, eta Kultura Arloak jakinarazi du zer elkarteri egokitu zaien abenduaren 21ean Urdanibia plazan San Tomas eguna ospatzeko jarriko diren txosnetako bat.

Mai Egurza ilustratzaile irundarrak egin du irudia Irungo Udalaren kanpainarako, zeina hiriko merkataritza sektorearekin eta elkarteekin elkarlanean prestatu den. Laster, egitarau osoa iragarriko da: berriki aurreratu zenez, izotzezko hiru pista, txirrista erraldoi bat eta Zabaltza plazako merkatua hartuko ditu barnean.

Gabonetako argiak

Azken asteetan Gabonetan gure hiria alaitzeko argiak eta gainerako elementu osagarriak instalatu dira Irungo kaleetan, eta datorren ostegunean, abenduak 1, apaindura horiek pizteko urteroko ekitaldia egingo da San Juan plazan.

X