| Aisiarako eremu hau San Martzial mendi ezagunean
dago, mendi horren benetako izena Aldabe Mendia den arren. Ekainaren
30ean, San Martzial egunean, Irundar ugari joaten da bertara, 1522an
frantsesen aurka irabazitako gudu ospetsua oroitzera. Irundar askorentzat
mendia derrigorrez bisitatzeko beste egun bat maiatzaren 15 da,
San Isidro eguneko Erromeria egiten baita egun horretan.
Eremu honetan ermita historiko bat dago, taberna-jatetxe bat,
picnic lekuak, komunak, eta abar, eta leku ezin hobea da Txingudi
Badia, Aiako Harria eta Jaizkibel mendia ikusteko, eta asteburu
eguzkitsuetan familiarekin eta lagunekin bazkaltzeko.
1997. urtean San Martzialeko lurrak Antolatzeko proiektua onartu
zen. Eremu honetan 5.406 m2-ko azalera berdea dago, eta bertan
platanoak, xarmak eta Celtius australis, Acer platanoides eta
konifera zuhaiztiak ikus daitezke, eta baita zuhaixka ugari ere,
rododendro, eurip, callistemon eta abar.
|
