Izatezko Bikoteak

Izatezko Bikotean inskribatu ahal dira Euskal Autonomi Erkidegoko Erregistroan Izatezko Bikote gisa erregistratua egonez gero, ezkonduta egoteak dakartzan aspektu batzuekiko parekotasuna lor daiteke ( onura fiskalak, laboralak, oinordetzazkoak, ... eta abar) eta horrez gain, errazagoa da bikote gisa erregistratzea edo ezeztatzea bikote-haustea gertatuz gero.

Euskal Autonomi Erkidegoko Izatezko Bikoteen Erregistroan inskribatzen dira izaera afektiboko batura egonkorrak direnak, adinez nagusiak diren pertsonez osatuak, sexu berekoak edo desberdinekoak, eta etxebizitza berean edo desberdinetan bizi direnak, eta inskribatzeko, nahikoa da bietako batek gutxienez Erkidegoan edukitzea bizilekua.

Izatezko Bikoteen Legearen babesa edukitzeko

• Biek adin nagusiak edo adingabeko emanzipatuak izan behar dute.
• Biek erabateko gaitasuna eduki behar dute.
• Ez dute odol-ahaidetasunik eduki behar ezta zuzeneko-lerroko ahaidetasunik ere.
• Ez dute izan behar odol bidezko bigarren graduko alboko senideak (anai-arrebak).
• Bietako inork ez du lotuta egon behar beste pertsona batekin, ezkontzaz edo izatezko bikote izaeraren bidez.
• Bikotearen partaideetako batek EAEko udalerriren batean erroldatuta egon behar du.

Izatezko Bikoteen Erregistroaren Inskripzioa
Izena eman nahi ez duten bikoteei ez zaie Legea aplikatuko.
Inskripzioa  Gipuzkoako Enplegu eta Gizarte Gaietako Ordezkaritza - Izatezko Bikoteen Erregistroa 
Intxaurrondo kalea, 70 - 2. Donostia-San Sebastian 20015

                                                                                                                               Berritua 2011/10/11

Lotutako estekak:

• 2/2003 Legea, Izatezko Bikoteak Arautzeko
• Ezkontzatik kanpoko Baturak edo Izatezko Bikoteak
• Izatezko Bikoteentzak aukera hoberena Testamentua