Harrera bulegoan, 010 telefono zenbakian edo web honetan bertan, bai udala, zein hiriari buruzko edozein informazio mota aurkitu ahal izango duzu.
Gainera, administrazioekin sinaturiko eta indarrean dauden hitzarmenei esker, HAZak, Gipuzkoako Foru Aldundira, Eusko Jaurlaritzara eta Gobernu Zentralera igortzen diren dokumentuak legearen aurrean balio osoz erregistratzeko aukera ematen die hiritarrei eta enpresei.

SAC bulegoak, ondoren azaltzen diren tramite guztiak berehala (kudeaketa bakarraren bidez) egiteko beharrezko baliabide eta eskumenak ditu.
Alferrikako joan-etorriak eragoztearren, deitu beti lehenengo 010 telefono zenbakira edo web-a kontsultatu ezazu. Ordainketarik behar duten tramiteen kasuan, zure erosotasunerako, banku txartela ekar ezazu.
Gainera, tramite horietako batzuei telefonoz ematen diegu erantzuna (bizileku-ziurtagiriak edo/eta bizikidetasun-ziurtagiriak, ordaindutako edo ordaindu gabeko erreziboen kopiak, banku helbideratzeak, etxebizitza-ziurtagiria ordenazioaren barnean, ehorzte, gorpuak hilobitik ateratze eta titularitate ziurtagiriak). Eta zure etxean jasoko duzu zuretzat inolako kosturik gabe.

SAC-era hurbildu eta dokumentu originala aurkeztuz gero, berehala jasoko duzu konpultsaturiko kopia. Udal espediente batean jaso behar diren edo kanpo erregistrorako hitzarmena sinatuta duen beste erakunde batera zuzendutako dokumentuak konpultsatu egingo dira eta dokumentu horiek egiazkoak eta ofizialak direla egiaztatu ahal izateko beharreko baldintzak bete beharko dituzte.

010 telefono zenbakira deituaz edo sac.010@irun.org helbidera idatziaz, Udalari buruzko behar duzun dokumentazioa etxean jaso ahal izango duzu (eskariak, tramiteetarako argibideak, baldintza orriak, hautaketa deialdietarako oinarriak, banku bidezko helbideratzeak, ordainagirien kopiak, ordainketa ziurtagiriak, espedienteen egoera, etab.).

Hiritarra Atenditzeko Zerbitzuak edozein hiritarrak Udalak editaturiko argitalpen edo planoren bat eskuratzeko aukera eskaintzen du; horretarako bulegora gerturatu eta dagokion zenbatekoa ordaindu beharko da, kreditu txartela bidez (SAC-en bertan), edo Kutxako Udalaren kontu korrontean dagokiona sartu eta abonu-agiria SAC-en aurkeztuaz. Kanpoko eskaeren kasuan, dirua sartzeko k/k-aren datuak emango dira eta entrega, jasotzean ordaintzeko egingo da.

Udal tekniko espezialista baten edo Udalbatzako partaide bati kontsultaren bat egiteko beharra baduzu, 010 telefono zenbakian, zinegotzi eta udal teknikoekin hitzordua ezartzeko aukera daukazu..

Zerbitzu hori hiritarren eskura jarri da galdutako gauzak utzi eta jasotzeko toki bat eduki ahal izateko. Zerbitzu horretan, Liburu-erregistroaren bidez, HAZan utzitako gauza guztiak idatziz jasota geratzen dira.
Bulegora joanez gero, edo 010 telefonoaren bidez, galdutako gauzen zerbitzuan sartu ahal izango da eta HAZan uzten den galdutako edozein gauza berreskuratu ahal izango du jabeak, gauza jakin horren jabea dela egiaztatzeko beharreko egiaztapen guztiak egin ondoren eta jabeak gauza hori jaso duela idatziz adierazita beti ere.

Bulegora joanda, edo 010 telefonoaren bidez, emaiozu Udalari udal zerbitzuen inguruan egokitzat hartzen dituzun Abisu, Kexa eta Iradokizun guztien berri, eta ziur egon beharreko erantzuna izango duzula zuk hala eskatzen baduzu eta zure datuak uzten badituzu.