Irungo Udalak aurreikusita dauka Ikust-Alaia esparruko Udal Liburutegia eta Artxiboa handitzea, eta horretarako finkaren ondoko bi lursailak erabiliko ditu. Eraikin enblematiko berri bat eraikiko du, eta horrela gaur egungo instalazioei ia 4.000 m2-ko azalera erabilgarria gehituko zaizkie.
Hiru jarduera-mota egin dira aldaketa eta egokitzapenak izan diren 10 urte baino gehiagotan, baina zerbitzu berriak eta zabalkuntzak direla-eta, erabilgarri dagoen edo handitu daitekeen azalera mugatu egin da denbora aurrera joan ahala, batik bat urteko fondo-eskuratzeetatik datorren guztiari dagokionez:

Ikust-Alaiak bi zerbitzu ditu gaur egun: Udal Liburutegia eta Artxiboa.
Artxiboak 600 m2-ko azalera hartzen du, lurpera zabaldu baita; eta Liburutegiak 3 solairu ditu:

IKUST-ALAIA BANAKETA (UDAL LIBURUTEGIA)

IKUST-ALAIA BANAKETA (UDAL LIBURUTEGIA)

SOLAIRUA	ZERBITZUAK	PLAZAK	AZALERA
Nagusia	erabiltzailearekiko arreta eta mailegua		350 m2
	gazte eta haurrentzako gela	24
	gela nagusia eta erreferentzia atala	32
	irakurketa gela eta hemeroteka	20
	Bulegoak (2)	76
Lehenengoa	ikasteko eta kontsultatzeko gela	8	350 m2
	komunak	48
		56
Bigarrena	unibertsitate-ikasleentzako gela		300 m2
	komunak
	atseden-guneak	64
Sotoa	Gordailu zahar eta berria: fondo zaharra,Mourlane Mitxelena, Alonso-Rodríguez	Ez dago	400 m2*
GUZTIRA		196	1.400 m2*

* Eraikitako azalera guztira, sotoan dagoen erabilera partekatuko solairua ere barne hartuta.

Ia 60.000 biztanle dituen hiri baterako, Liburutegian gutxienez 3.033 m2-ko azalera beharko litzateke, eta 1.400 m2 ditu (1.633 m2-ko defizita), eta Artxiboan, berriz, 600 m2 daude eta guztira 873,25 m2 beharko lituzke. Guztira, bi eraikinetarako 5.591,65 m2 beharko lirateke (4.400 m2 Liburutegirako eta 1.191,65 m2 Artxiborako).
Gaur egun 11.940 txarteldun erabiltzaile daude, eta batez beste liburutegia egunero 500 pertsonak erabiltzen du; horri zerbitzu berri eta hobeak emateko bitarteko teknologiko berriak sartzea erantsi beharko litzaioke (MEDIATEKA).
Ikust-Alaiari erantsitako finka baten zatiak gizarte eta kultur erabileretarako kalifikazioa du hiriko Antolamendu Planean. Atxikitako finkaren eraikin berriaren kokalekuak (Aldapeta kaletik du sarbidea) aukera ematen du behar orokorren arabera gune berriak diseinatzeko, eta Ikust-Alaiatik hurbil egotea oso alderdi positiboa eta kontuan izan beharrekoa da.

Zehaztu egin beharko litzateke Ikust-Alaiak zein zerbitzu emango lituzkeen, Udal Artxiboak zer betekizun duen... Ikust-Alaia unibertsitate-ikasleentzako liburutegirako eta gela espezializatu eta ikerketa geletarako geldituko litzateke, eta gune berri bat erantsiko litzateke topagunerako eta kultur-elkartrukerako, ekintza soziokulturaletarako (tailerrak, erakusketak, zabalkundeko kultur ekintza espezifikoak...).
Eraikin berrian hauek jarriko lirateke: ludoteka, haur eta gazteentzako liburutegia, multimedia aretoak, kontsulta gela, maileguak...