Ayuntamiento de Irun: Irun.org

NABEGAZIO LAGUNTZAK

Ayuntamiento de Irun

NABEGAZIO AUXILIARRAREN MENUA

Kale Izendegia

Udala eta bere Zerbitzuak > Bere Helburuak > Proiektuak > Osinbiribileko Parkea

# Hasiera Itzuli

Osinbiribileko Parkearen Aurreproiektua


	Udalak 1998. urtean agindu zuen Osinbiribileko Parkearen proiektuaren erredakzioa, eta Eduardo Ramos eta Mª Rosario Ortiz de Zarate arkitektoei esleitu zitzaien. Bestalde, Ramon Ganyet ur-lasterretako instalazioetan espezializatutako ingeniaria izan zuten laguntzaile.

Helburuak

Proiektu honek Irungo hiriari aisialdirako esparru zabala eskaini nahi dio, eta esparru honetara erribera eta padura ondoan paseoan ibiltzeko alde bat eta jostatzeko eta kirola egiteko azpiegitura garrantzitsu bat, ur-lasterreko kanalea, bildu nahi dira (kanalearena Euskal Piraguismo Federazioak eginiko proposamena da). Hasieran, soilik parkearen erabilera ematea aurreikusi zen (100.000 m2-ko azalera), baina Udalak interesgarri iritzi zion ubide artifizial bat eraikitzeari.

Azpiegitura honek kirol ekitaldiak eta ur kiroletan zaleak direnak erakarriko ditu hirira, zerbitzuen eskaintza aberastu egingo da eta sektore honetan enplegua sortuko da. Aurreikusitakoaren arabera, urtean 500.000 bisitari izango ditu alde honek, eta horietatik 100.000 inguru ur kirolen bat egitera etorriko dira.

Ezaugarriak

	Parkearen erriberaren eta paduraren tratamendua. Proposatutakoaren arabera, atzeratu eta aldatu egingo da egungo harri-lubeta, terraza-antzera egokituko da eta terrazak bihurgunetsuak izango dira. Mareen eraginpean egongo da alde hau, uraren higadurapean. Bestalde, Artiako ubidearen azken zatia (Recondo lantegiaren parean) naturalagoa izango da, eta egungo zementuaren tokian landareak eta zuhaitzak aldatuko dira. Erriberaren inguruan hareazko metak, belardiak eta ur gezako urmaelak egokituko dira. Aurreproiektuaren arabera era guztietako urak bilduko dira parke honetara: urmael artifizialak, ur lasterrak kanalean eta ur libreak marearen eraginpean egongo diren erribera eta urmaeletan. Bidegorriren diseinu berria (Bidasoaren erriberatik, Artiako ubidearen ezkerretik barrena, Dunboako kanaleraino). Saihesbidearen alboan zuhaitz handiak landatuko dira eta errepidetik iristen den zarata apaltzeko pantaila ezarriko da, aldi berean, berdegunea eta errepidea bereiziko dituena. Ur kiroletarako ubide artifizialak urmael edo/eta putzu bat izango du (120m x 130m-koa) 8,5 m-ko altueran. Puntu horretatik urak behera egingo du 400 m luze eta 8-20 m zabal izango den kanalean barrena beheko putzura (259m x 20m) iristeko. Maila honetan ura berriro ere gora bidaltzeko ponpa egongo da, untziak eta kirolariak gora eramateko igogailu bat, jatetxe zerbitzua eta auditorium txiki bat izango dituen eraikin bat eta, bukatzeko, haurrak jolasteko leku bat.

Proiektuaren Egungo Egoera

Udalak dagoeneko eskura ditu parkea, ubidearekin ala ubiderik gabe, prestatzeko behar diren aurreproiektu guztiak. Gaur egun, Espainian mota honetako kanale bakarra dago, Seo d'Urgellen, 1992. urtean Bartzelonako Joko Olinpikoak zirela-eta eraikia. Antzeko azpiegiturak dauzkate honako hiri hauek : Nottingham (Bretainia Handia), Lannion eta Huningue (Frantzian), Mezzana (Italia) eta Praga (Txekiar Errepublika).

Osinbiribileko parkearen aurreproiektuko planoa

Proiektu Nagusien Aukerak


> Plaiaundiko Parke Ekologikoa	> FICOBA	> Osinbiribileko Parkea

> Erromatarren Aztarnen Museoa	> ZAISA III	> Mendibileko Komertzio Parkea

> IruNet XXI	> Liburutegia handitzea