On line ordainketak

Zerbitzuak hobetzeko eta zabaltzeko helburuarekin, Irungo Udalak, www.irun.org, tresna berri bat sartu du, eta horren bidez, hiritarrei aukera eman nahi die udal ordainagiriak eroso, erraz eta modu seguruan ordaintzeko. Hain zuzen ere, honako hauek ordain daitezke horrela: OHZ (Ondasunen eta Higiezinen Zerga), JEZ (Jarduera Ekonomikoen Zerga), ibilgailuen eta pasabideen zerga eta udal hilerriarena.

Tresna hori erabiltzeko, txartelen bat eduki behar duzu, kreditukoa edo zordunketakoa, Finantza Entitate Kolaboratzaileren batena ( Kutxa, BBVA, Euskadiko Kutxa, Banco Guipuzcoano, La Caixa, Bankoa), edo, bestela, haien On-line bankuaren erabiltzailea izan behar duzu eta, ordaintzeko unean, eskura eduki Irungo Udalak bidalitako ordainketa-abisua, eskatzen zaizkizun datuak sartzeko; datu horiek ordainagiriaren goialdean, ezkerretara, aurkituko dituzu, barra-kodearen ondoan (Jaulkitzailea eta atzizkia – Erreferentzia – Identifikazioa – Zenbatekoa).

Nire ordainketa on line

Ordaintzeko era honetan seguritatea eta konfidentzialitatea bermaturik dauzkazu, eta erosotasunaren abantaila eskaintzen dizu udal ordainketen transakzioan:

Seguritatea transakzioetan, izan ere, Finantza Erakundeek berek eskaintzen duten inguru seguruan egiten baitira; alegia, elkartrukatzen den informazioa zuk beste inork ezingo du ikusi Interneten.
Datuen konfidentzialitatea, izan ere, abenduaren 13ko 15/1999 lege organikoak ematen dion legezkotasuna baitu. Norberaren datuak babesteko legea da berori (LOPD).
Erosotasuna, yizan ere, egunaren 24 orduetan baitabil ordainketa era hau. Horrela, joan-etorriak eta itxaroteko ilarak saihestu ahal izango dituzu.

Baliabide hau erabiltzeko, eskura izan beharko duzu honako edozein Finantza Erakunde Laguntzaileren ordainketa-txartelen bat (Kutxa, BBVA, Euskadiko kutxa, Banco Guipuzcoano), edo bestela, zeure on-line bankaren erabiltzailea izan eta ordaintzerakoan eskura eduki Irungo Udalak bidalitako ordainketa abisua, eskatzen dizkizuten datuak sar ditzazun. Errekerimenduaren ezkerreko gainaldean aurkituko duzu hori (Erakunde bidaltzailea-Erreferentzia-Identifikazioa-Zenbatekoa).

Ordainketa egiteko,honako urrats hauek egin behar dituzu:

1 Urratsa. Inprimakia bete ordainketa abisuan aurkituko dituzun datuekin eta onartu botoia sakatu.
2 Urratsa. Sartutako datuak zuzenak direla frogatu eta onartu botoia sakatu.
3 Urratsa. Ordainketa egin nahi duzuneko Finantza Erakunde laguntzailea hautatu eta onartu botoia sakatu.

Eragiketa egin ondoren, Finantza Erakundeak ordaindu duzunaren ziurtagiria egingo dizu. Imprima ezazu.

Pixkanaka, On-line ordaintzeko prozedura hau zabaldu egingo da, harik eta Udal Administrazio honetan egin beharreko ordainketa guztiak barne hartzeraino.