Irungo Udala. Ayuntamiento de Irun: Irun.org

NABEGAZIO LAGUNTZAK

Edukinara salto egin

Irunen bizi

Zure zerbitzura

Irun ezagutu

Zure udaletxea

Irungo Udalaren logotipoa
Eguraldia kontsultatu Kale Izendegia Twitter Youtube RSS

Goardiako farmazia

  • Egunez(09:00-22:00)
    C. MOLINERO
    Colón, 5
    T. 943621104

  • Gauez(22:00-09:00)
    M. AGRA
    Miguel de Ambulodi, 5
    T. 943628625

  • Urte osoko egutegia 2017
Irungo Udalaren logotipoa
 Udala: Zerbitzuak > Adineko pertsonentzako balibideen Gida  # Hasiera

Adineko pertsonentzako balibideen Gida

Portada Guía de recursos para personas mayores

Azkenaldi honetan, Irungo Udala ahalegin handia egiten ari da, irundar guztiekin komunikatzeko bideak zabaldu eta hobetzeko eta parte har dezaten eta udalaren edozein zerbitzu ezagutu dezaten errazteko, uste baitu elkarren arteko harreman hau hobetzeak lagundu egingo duela hiritarren bizi-kalitatea hobetzen.

Eta bide horretan, Irungo Udalak gure adinekoei arreta berezia eskaini nahi izan die. Zaharrenei bizimodua hobetzeko eta errazteko zerbitzuak eskaintzea izan da udalaren gizartezerbitzuek ezarri duten helburuetako bat. Eta hain zuzen, zerbitzu horiek, ekimen pribatuarekin batera, laguntza integraleko eskaintza osatzen dute. Baina kontua ez da zerbitzuak zabaldu eta hobetzea soilik; haien berri eman behar da, eta behar dituztenen eskura jarri.

Zerbitzu-gida honen helburua da udalak adinekoen eskura jartzen dituen baliabideen erakusleiho bihurtzea. Bertan, erraz eta ordenan kontsulta daitezke udalerrian garatzen diren zerbitzuak, jarduerak eta eskaintzak, publikoak nahiz pribatuak, eta baita telefono interesagarriak ere, eta hiritarrak nora joan behar duen ere bai edozein zerbitzu eskatu edo edozein arazo konpondu nahi badu.

Gidaliburu hau kontsultatzera gonbidatzen zaituztet; izan ere, nago oso erabilgarri izango zaigula guztioi.

Jose Antonio Santano
Irungo Alkatea

BALIABIDE PUBLIKOAK

INFORMAZIOA

  • H.A.Z. (Hiritarrak Atenditzeko Zerbitzua), San Martziak kalea, 2. Ordutegia; 8:30etik 14:00etara eta 16.00etatik 19:00etara Larunbatetan: 9:30etik 13:00era (Udako ordutegia).
    010 telefonoa eta 943 50 51 52 Irundik kanpo. Ordutegia; astelehenetik ostiralera 8:00etatik 20:00etara (jarraian) eta larunbatetan: 8:30etik 13:30era.
  • Gizarte Ongizate, bulegoetan, telefonoak: 943 505 358.
    Urdanibia Plaza, 6. Ordutegia: A/O: 8:30etatik 14:00etara.
  • Zentro Sozialetako zerbitzu eta jardueren inguruko informazioa Zentro Sozialean bertan eskatu behar da.
  • Babespeko apartamentuen inguruko informazioa honako leku hauetan eskatu behar da:
    • Erosketa edo alokairukoak IRUNVIn (Irungo Etxebizitzarako Elkarte Publikoa, S.A.)
      Eliza kalea, 6. 20302 - Irun
      Telefonoa: 943 505 720
      Faxa: 943 505 729 ·
      irunvi@irun.org · www.irun.org/irunvi
    • Alokairu sozialekoak HAZan eta Gizarte Ongizatean.

Adineko Pertsonentzako Udal Zentro Sozialak

Irungo udalaren ardurapeko Zentroak dira, adineko pertsonentzako topaleku, garapenerako eta denbora librea egoki igarotzeko lekuak.

Gaur egun honako hauek ditugu:

HELBURUAK

Adineko Pertsonen bizi-kalitatea hobetzea isolamenduaren eta mendekotasunaren prebentziorako programen bidez, norbere garapena, osasuna eta autonomia sustatzeko jarduerak bultzatuz.

ZERBITZUAK

Irunen Kafetegia-Jantokia, Ile apaindegia, Podologia, Masajea eta Liburutegia eskaintzen dira.

NORENTZAT

60 urtetik gorako pertsona guztientzat eta 60 urtetik beherakoak aurrekoen senarra edo emaztea edo egitatezko bikotea direnean.

ORDUTEGIAK

Oro har, Zentroak goizeko 9:00etatik 21:00era egoten dira zabalik urteko egun guztietan.

PREZIOAK

Udalak urtero zehazten ditu Zentroan ematen diren ordaindu beharreko zerbitzuen tarifak, kontuan harturik gizarte izaera duela.

Doan ere egiten dira jarduera batzuk.

Elkarteek urtero zehazten dituzte bazkideturiko pertsonen kuotak eta antolatzen dituzten ordaindu beharreko jardueren prezioak.

Teleasistentzia

Gizarte izaerako zerbitzu teknikoa da. Sakagailu txiki bat da lepoko edo eskumuturreko gisa eraman daitekeena, telefonoaren bidez 112 Larrialdi Zentralarekin lotua.

HELBURUAK

Bi funtzio betetzen ditu batik bat:

  • Larrialdietan laguntza ematea.
  • Lasaitasuna ematea larrialdia ez izan arren, beste pertsona baten laguntza behar denean.
NORENTZAT

Irungo erroldan egonik, telelaguntza ekipoa zuzen eta behar bezala erabiltzeko gai diren, bakarrik bizi diren edo egunaren gehiengoan bakarrik egoten diren pertsonentzako, arrisku egoeran eta babesik gabe daudenean eta mendekotasuna edo/eta ezintasunak dituztenean eta, hala behar badu, haien zaintzaileentzat.

ARRETA ORDUAK

Urteko egun guztietan egunean 24 ordutan.

ZENBATEKOA/TASAK

Pertsonak zerbitzu osoa edo zati bat ordaintzen du, bakoitzaren ekonomia gaitasuna kontuan izanik.

Etxeko laguntza programa

Etxean bertan laguntza zuzena emateko zerbitzua da, eguneroko bizitzako lanak egiteko edo/eta etxea bizitzeko baldintza egokietan mantentzeko.

HELBURUAK
  • Autonomia galerari aurrea hartzea edo/eta konpentsatzea.
  • Zaintza sare naturala eratzen duten pertsona zaintzaileei laguntza ematea, elkarbizitzaren giroa hobetuz.
  • Beste zerbitzu batzuen esku hartzea eskatuko luketen behar egoerak sumatzeko elementu izatea.
  • Pertsona bere etxean egon dadin beharreko laguntza ematea.
NORENTZAT

Hirurogei urtetik gorako pertsona guztientzat, eta une jakin batean edo beti laguntza hori behar duten beste biztanleria sektore batentzat.

ZERBITZUAK

Honako zerbitzu hauek ematen dira:

  • Zerbitzu pertsonala: Norbere garbitasuna, mugikortasuna, elikatzen laguntzea, eta abar.
  • Etxeko zerbitzua: Etxea garbitu, janaria erosi eta otorduak prestatu, kudeaketa batzuk egiten lagundu, eta abar.
ARRETA ORDUAK:

Zerbitzuaren ordutegia malgua da eta egunez ematen da 7:00etatik 22:00etara.

  • Zerbitzu pertsonala: Astelehenetik larunbatera ematen da, kasu berezietan igande eta jaiegunetan.
  • Etxeko zerbitzua: Astelehenetik larunbatera ematen da.
ZENBATEKOA/TASAK

Pertsonak zerbitzu osoa edo zati bat ordaintzen du, bakoitzaren ekonomia gaitasuna kontuan izanik.

Otorduak Etxeetara Eramatea

Otordu prestatuak etxeetara eramateko zerbitzua da. Menu aldakorrak, orekatuak eta nutrizionalki baloratuak dira, pertsona erabiltzailearen beharren arabera eta Dietetika eta Nutrizioan aditua den pertsona batek gainbegiratuak.

HELBURUAK
  • Pertsona erabiltzaileen bizi-kalitatea hobetzea, beren etxeetan bizitzen denbora gehiago egon ahal izateko
  • Autonomia pertsonala sustatzea, familia eta komunitate bizitzan integra dadin.
  • Elikatzeko ohitura ez-egokietatik etortzen diren gaixotasunei aurrea hartzea, dieta orekatua eskainiz, pertsonaren osasun egoera globalari egokitua beti ere.
  • Otorduak prestatzeko lanetan etxean gerta litezkeen istripu arriskuak baztertzea.
NORENTZAT

Adineko pertsona guztientzat, eta une jakin batean edo beti laguntza hori behar duten beste biztanleria sektore batentzat.

ARRETA ORDUAK:

Urteko egun guztietan.

ZENBATEKOA/TASAK

Pertsonak zerbitzu osoa edo zati bat ordaintzen du, bakoitzaren ekonomia gaitasuna kontuan izanik.

Farmaziako dosi bakarreko programa

HELBURUAK

Medikazioaren erabileran laguntzea eta mediku-tratamenduen segurtasun baldintzak hobetzea, erabiltzaileak berak aukeratutako farmaziak prestatuko dituen dosifikatzaile banakatuen bitartez.

ZENBATEKOA/TASAK

Zerbitzu hau erabat doan ematen da Gipuzkoako Farmazilarien Elkargoaren bitartez

Famili Harrera

Adineko pertsona bat berea ez den familia batean hartzea da.

Babes neurria da, adineko pertsona bat familia batean hartzea, inolako ahaidetasun harremanik izan gabe.

HELBURUAK
  • Elkarbizitza, osasuna, segurtasuna eta ongizate fisiko eta psikikoa ziurtatzea.
  • Adineko pertsonak bere inguruan parte har dezan sustatzea.
NORENTZAT

Adineko pertsonentzako eta haiekin bizi nahi duten familientzako.

ZENBATEKOA/TASAK

Harrera egiten duen familiak, diru-laguntza baten truke, beharreko ostatu, lagunarte eta mantenu zerbitzuak ematen dizkio adineko pertsonari.

Ikasleekin Bizitzea

Programa honen bidez ikasle bat adineko pertsona batekin bizitzen da, eta pertsona horri eguneroko jarduera batzuetan laguntzen dio ostatuaren eta diru-laguntza baten truke.

HELBURUAK
  • Adineko pertsona bere ohiko gizarte inguruan mantentzea.
  • Adineko pertsonak bere inguruan parte har dezan sustatzea.
NORENTZAT

Adineko pertsona autonomoentzat, etxebizitza jabetzan edo alokairuan dutenean eta ikaslearekin ahaidetasun loturarik ez dutenean.

Adin nagusiko Ikasleak, dagokion ikasturte akademikoan Gipuzkoako Lurralde Historikoan ematen den edozein karrera edo ikasketetan, erdi nahiz goi mailakoak, matrikulatuak daudenean.

ZENBATEKOA/TASAK

Ez dago

Babespeko Apartamentuak

Talde modura antolatutako etxebizitza multzoa da. Horietan adineko pertsona 1 edo 2 bizi daitezke eta zerbitzu kolektiboak dituzte nahi izanez gero erabiltzeko.

HELBURUAK

Beren ohiko etxebizitzetan bizitzen jarraitzeko zailtasunak dituzten adineko pertsonei ostatua, segurtasuna eta gizarte arreta eskaintzea, pertsona horien egoera psiko-fi sikoak intentsitate handiagoko baliabiderik behar ez duenean.

NORENTZAT

Eguneroko bizitzako lanak egiteko gai diren adineko pertsona helduentzat.

ZENBATEKOA/TASAK

Zenbatekoa desberdina da modalitatearen arabera:

  • Bizileku eskubidea erosi edo alokatzea.
  • Gizarte alokairua ordainketa bidez gizarte diagnostikoaren arabera.

Gaur egun Lekaeneako Udal babespeko apartamentuak ditugu Irunen. Guztira 30 apartamentu dira bizileku eskubidea erosteko, 5 bizileku eskubidea alokatzeko eta beste 5 alokairu sozialekoak. 40 apartamentu horietan 80 plaza daude guztira.

Etxebitzitza-Egoitzak

SEtxebizitza-egoitzak edo babespeko etxebizitzak dira gehienez ere 14 plaza dituzten adinekoentzako elkarbizitza unitateak.

HELBURUAK

Beren ohiko etxebizitzetan bizitzen jarraitzeko zailtasunak dituzten adineko pertsonei ostatua, segurtasuna eta gizarte arreta eskaintzea, pertsona horien egoera psiko-fisikoak intentsitate handiagoko baliabiderik behar ez duenean.

NORENTZAT

Adineko pertsona autonomoentzat.

ZENBATEKOA/TASAK

Pertsonak zerbitzu osoa edo zati bat ordaintzen du, bakoitzaren ekonomia gaitasuna kontuan izanik.

Gaur egun Irunen 5 udal etxebizitza-egoitza ditugu, 24 plaza guztira.

Eguneko Zentroak

Eguneko Zentroak adineko pertsonentzako zentroak dira, beren etxeetan bizirik, egunez arreta pertsonala behar duten pertsonentzako. Gehienetan mendekoa den adineko pertsonaren egoera eta beharren araberako mantenu, zaintza pertsonal eta gizarte, osasun eta erizaintza mailako laguntza eskaintzen zaie horietan. Zentrora eta etxeetara edo horietatik hurbil dauden geltokietara eramateko zerbitzua eskaintzen zaie halaber.

HELBURUAK

Adineko pertsonei arreta osoa eskaintzea zentroan dauden bitartean, banan-banan eta modu pertsonalizatuan, bakoitzaren beharren arabera beti ere.

NORENTZAT

Mendekotasuna duten adineko pertsonentzat, alderdi fi siko, psikiko edo sozialean zaintza behar dutenean, soilik egunez

ZENBATEKOA/TASAK

Pertsonak zerbitzu osoa edo zati bat ordaintzen du, bakoitzaren ekonomia gaitasuna kontuan izanik.

Ama Xantalen Udal Eguneko Zentroa dugu, eta 15 plaza ditu guztira.

Aldi Baterako Egonaldia Egoitzan

Adineko pertsona bat urtean 15 egunetik hilabete batera egoitzan egoteko aukera ematen du.

HELBURUAK

Familiei atsedena edo oporretan joateko aukera ematea.

NORENTZAT

Mendeko adineko pertsonentzat eta haien familientzat.

ZENBATEKOA/TASAK

Pertsonak zerbitzu osoa edo zati bat ordaintzen du, bakoitzaren ekonomia gaitasuna kontuan izanik.

Egoitzak

Zeharren egoitzak dira, eta arreta osoa eta etxebizitza iraunkorra eskaintzen diete pertsona erabiltzaileei. Egoitza horietan honako zerbitzu hauek eskaintzen dira: ostatua eta mantenua, zaintza pertsonala eta gizarte, osasun eta erizaintza mailako laguntza, eta baita kultur jarduerak eta osasuna sustatzeko jarduerak, mendekotasunaren prebentzioa eta zaintza lagungarriak ere; hori guztia gehienetan mendekotasunak dituen adineko pertsonaren egoera eta beharren arabera, osasun, familia edo gizarte arrazoiengatik bere etxean bizitzen jarraitu ezin duenean.

HELBURUAK

Adineko pertsonei arreta osoa ematea, banan-banan eta modu pertsonalizatuan, bakoitzaren beharren arabera.

NORENTZAT

Modu autonomoan bizitzeko zailtasunak dituzten eta beste baliabiderik ez duten adineko pertsonentzat.

ZENBATEKOA/TASAK

Pertsonak zerbitzu osoa edo zati bat ordaintzen du, bakoitzaren ekonomia gaitasuna kontuan izanik

Gaur egun Ama Xantalen udal egoitza dugu, eta 68 plaza ditu guztira.

Laguntza Teknikoak

Mendeko pertsonentzako laguntza teknikoak dira. Honako hauek izan daitezke: Berrikuntzak etxebizitza eta bainuetan, arrapalak, garabiak, ohe artikulatuak, igogailuak, aulki elektrikoak, ibilgailuak egokitzea, ...

HELBURUAK
  • Pertsona bere ohiko gizarte inguruan mantentzea.
  • Eguneroko bizitzako jarduerak egiteko erraztasunak eta gizarte bizitza autonomoagoa egiteko aukera ematea.
NORENTZAT

Mendeko pertsonentzat edo %33 baino mendekotasun handiagoa dutenentzat.

ZENBATEKOA/TASAK

Diru-laguntzak ematen dira pertsonaren ekonomia gaitasuna kontuan izanik.

Mendekotasunerako Diru-Laguntzak

Mendeko pertsonentzako diru-laguntzak dira. Izan daitezke:

  • Prestazio ekonomikoa, egoitzan edo eguneko zentroan plazarik ez duenean eta itxaron zerrendan gutxienez 3 hilabetez zain egon beharra duenean.
  • Prestazio ekonomikoa familiaren baitan zaintzeko.
  • Norberari laguntzeko prestazio ekonomikoa, norberarentzako laguntzailea kontratatzeko.
HELBURUAK

Eguneroko bizimoduko jarduerak egin ditzaten laguntzea, eta, bereziki, norberaren zaintzari dagozkionak.

NORENTZAT

Mendeko pertsona adinekoentzako.

Mendeko Pertsonak dituzten Familientzako Laguntza
Gipuzkoako Foru Aldundiaren Sendian Programa

PROGRAMAREN BALIABIDEAK
  • Familia prestakuntza. Hitzaldi batzuen bidez, zaintzaileei beharreko ezagutzak eman nahi zaizkie, mendeko pertsonari arreta hobea eman diezaioten, eta era berean segurtasun eta konfi dantza handiagoa lortuz.
  • Laguntza psikologikoa. Profesional-psikologo baten laguntza terapeutikoarekin, egoera berri eta aldakorrari aurre egin eta hobeto egokitzeko tratamendua jasotzeko aukera eskaintzen da, kontuan izanik batzuetan gertatzen diren stress eta larritasun sentimenduak. Laguntza hori mendeko adineko pertsonei nahiz haien familiei eskaintzen zaie.
  • Autolaguntza taldeak. Antzeko esperientzia eta arazoak partekatzeak egoera berdinean daudenei eskaintzen dien onuran oinarritzen da autolaguntza, eta gainera, aurkitu dituzten hobekuntzak trukatzeko aukera ematen du. Autolaguntza taldeak osatzen dira antzeko egoerak bizi dituzten familien artean. Laguntza terapia gisa balio dute eta elkarlana bultzatzen dute.
  • Asteburuko lasaialdia. Zerbitzu honek aukera ematen du adineko pertsona asteburuetan egoitza eta eguneko zentroetan egoteko. Mendeko adineko pertsonentzako egoitza eta eguneko zentroetan ematen den arreta berdina eskaintzen du: ostatua, mantenua eta laguntza. Helburu nagusia da familiak denbora librea edukitzea.
  • Laguntza ekonomikoa. Zailtasun ekonomikoak dituzten familiei, adineko pertsonari eskaini beharreko denborak soldatapeko lana egiteko aukerarik ematen ez dienean, laguntza ekonomikoa ematen zaie baliabide urritasun hori arintzeko.
NORENTZAT

Mendeko adineko pertsonentzat eta haiekin bizi diren familiarrentzat.

Zentro sozio-sanitarioan sartzea (Donostiako Gurutze Gorria)

Mendekotasun egoeran dauden adineko pertsonei aldi baterako Egoitza Zentro Sozio-sanitarioan sartzeko aukera ematea, gizarte eta osasun zaintzaren behar handia dutenean.

HELBURUAK

Adineko pertsonei beharreko gizarte, osasun, berrezte edo zaintza laguntza ematea, dituzten beharren arabera.

NORENTZAT

Mendekotasun egoeran dauden adineko pertsonentzako (60 urte edo gehiago), gizarte eta osasun zaintzaren behar handia dutenean, ospitalean alta eman ondoren etxera itzultzeko moduan ez daudenean eta ospitalean egoteko baldintzak betetzen ez dituztenean.

ZENBATEKOA/TASAK

30. egunetik aurrera ordaintzen da, tarifaren arabera.

KUDEAKETA PRIBATUKO BALIABIDEAK

INFORMAZIOA

Zentroan bertan eskatu behar da zerbitzu pribatuen zerbitzu eta jardueren inguruko informazioa.

RESIDENCIA CASER - ANAKA
  • Helbidea: c/Anaca, 8 - Irun - 20301
  • Telefonoa: 943 667 780 - 902 300 390
  • Faxa: 943 667 781
  • Web: www.caser-residencial.com
  • Mail: anaka@caseresidencial.com
  • Eguneko Zentroa: 60 plaza (36 Aldundiarekin itunduak).
  • Egoitza: 155 plaza (109 Aldundiarekin itunduak)
  • Psicogeriatria unitatea: 16 plaza Aldundiarekin itunduak.
  • Aldi baterako egonaldiak: 20 plaza gehiago Aldundiarekin itunduak - Sendian Programa
Residencia Inmaculada (Mendibil)
  • Helbidea: c/Juan Albizu, 5. 20302 - Irun
  • Telefonoa: 943 667 634
  • Fax: 943 667 635
  • Mail: res.irun@gsr.coop
  • Eguneko Zentroa: 13 Aldundiarekin pribatuak.
  • Egoitza: 62 plaza (48 Aldundiarekin itunduak).
Residencia Bidasoa S.L.
  • Helbidea: c/ Lope de Irigoyen 15-17 Bajo Sup. 20301 - Irun
  • Telefonoa: 943 618 798
  • Faxa: 943 612 493
  • Mail: serviciosbidasoaterceraedad@gmail.com
  • Eguneko Zentroa: 18 plaza (11 Aldundiarekin itunduak)
  • Egoitza: 15 plaza Aldundiarekin itunduak
Residencia de Cruz Roja
  • Helbidea: c/ Fuenterrabía, 25 - Irun - 20301
  • Telefonoa: 943 611 203 - 943 611 204 - 943 616 324
  • Faxa: 943 614 380
  • Web: www.cruzroja.es
  • Mail: crirun@adegi.es
  • 43 plaza ditu, guztiak ere Aldunkiarekin itunduak mendeko pertsonak eta mendekotasun handiak dituzten pertsonak zaintzeko.
RESIDENCIA BETHARRAM
  • Helbidea: c/ Zubieta, 161 - Hondarribia - 20280
  • Telefonoa: 943 647169
  • Faxa: 943 646653
  • Web: www.caser-residencial.es
  • Mail: azubialde@caseresidencial.es
  • Egoitza: 150 plaza (Aldundiarekin itunduak)
  • Estancias temporales privada
  • Unidad Psicogeriatría: 15 plaza concertadas con Diputación y 15 privadas.
  • Apartamentos Tutelados: 16 apartamentos todos ellos en régimen de alquiler.
RESIDENCIA san gabriel
Centro de Día Artía
Centro de Día GIBELETA
Centro de apoyo cognitivo - gizagune

Centro dedicado a actividades de estimulación cognitiva en grupo o en sesiones individuales, para personas en situación de dependencia que viven en sus domicilios.

Centro de apoyo cognitivo - ARGITZE

Centro dedicado a actividades de estimulación cognitiva en grupo o en sesiones individuales, para personas en situación de dependencia que viven en sus domicilios.

Nire Aiton Amonak - AYUDA a Domicilio
ETXEKOI, S.L. - AYUDA a Domicilio
zenturia - AYUDA a Domicilio
LAGUNDU - AYUDA a Domicilio
CLECE - AYUDA a Domicilio
  • Helbidea: c/ Paseo de Colón, 36 - 1º izda. (Oficina 4) - 20301 - Irun
  • Telefonoa: 943611090
  • Faxa: 943327727
  • Mail: mcalegria@clece.es
HAZLAN IRUN S.L - AYUDA A DOMICILIO
ASISTHOGAR BIDASOA AYUDA A DOMICILIO

ELKARTEAK eta EKINTZAK

Dagokion Elkartean eskatu behar da elkarteen zerbitzu eta jardueren inguruko informazioa.

 

 

© Irungo Udala - Ayuntamiento de Irun
SAC. Tel. 010 - Tel. 943 50 51 52

© Irungo Udala - Ayuntamiento de Irun - www.irun.org - SAC. Tel. 010 - Tel. 943 50 51 52