Bidasoa-Txingudi Eskualdea hiru udalerrik osatua dago, Hondarribia eta Irun, Euskal Autonomia Erkidegoan eta Hendaia, Pirinio Atlantiarren Departamentuan, estatu espainiarraren eta frantsesaren artean dago, eta euskal kulturaren elkargunea da bi estatu horien artean. Eskualde honek Bidasoa Ibaiari eta Txingudi Badiari zor die izena, Bidasoa ibaia, Nafarroako mendietan sortu eta Txingudi Badian isurtzen dena eta mendeetan zehar Frantziako eta Espainiako estatuen artean muga naturala izan dena

Hendaia, Hondarribia e Irungo Udalek, lankidetza eta elkarren arteko jarduna sustatzeko xedean, Bidasoa-Txingudi Mugaz Gaindiko Partzuergoa sortu zuten, hiru udalerri horiek, 1998ko abenduaren 23an, Bidasoa ibaiaren bokalean sinatu zuten Mugaz Gaindiko Lankidetzarako Administrazio arteko Hitzarmenaren bidez.

Bidasoa-Txingudi Mugaz Gaindiko Partzuergoa sortzeak esan nahi du, alde batetik, Europako Kontseiluaren eta Europako Batasunaren helburuak ontzat hartzen direla, hau da, herri europarren artean lotura estuagoak egin behar direla eta herri horien artean elkarlana bultzatu behar dela Europa eraikitzen lagunduko duen baliabide gisa, eta bestalde, ziur egotea hiru udalerrien arteko harremanak lagundu egingo duela mugaldeko eremuen garapena suspertzen, aurrerapen ekonomiko eta sozialaren esparruan ekintza komuna bultzatuz eta esparru horiek elkartzen dituzten loturak sendotuz. Halatan, Partzuergoak helburu eta jarduera batzuk zehazten ditu Turismo, Kultura, Gizarte eta Ekonomia Garapenaren esparruetan.