Ayuntamiento de Irun: Irun.org

NABEGAZIO LAGUNTZAK

Ayuntamiento de Irun

NABEGAZIO AUXILIARRAREN MENUA

Kale Izendegia

Udala: Erakundea > Klima aldaketaren aurrean ekin

# Hasiera

Klima aldaketaren aurrean Ekin: Jardunbide Egokien Gida

EZ ZAITEZ GELDIRIK GERATU: (CO2 isurpenak murrizteko aholku baliagarriak)

Klima aldaketaren gaian aditu diren ikerlari gehienek ohartarazi dutenaren arabera, munduko tenperatura orokorra gehituz joan da azken urteotan.

Gizakiok aurrera eramaten ditugun jardueren ondorioz (esate baterako; industria, motordun ibilgailuen erabileran oinarritutako mugikortasuna eta garraioa, eta etxe nahiz zerbitzuen sektorearen jarduera –berogailuak, aire girotua, etab.-) atmosferara igortzen ditugun berotegi-efektuko gasek, negutegietako plastikozko estalki baten antzera jokatzen dute atmosferara iristen direnean, Lur planetaren tenperatura igoaz.

Gure eguneroko erabaki eta portaerek atmosferako CO2a –karbono dioxidoa- (berotegi-efektua sortzen duen gas nagusienetako bat) handitzen dute, baina modu arduratsuan jokatuz gero eta zailtasunik gabe, modu errazean, abian jar ditzakegun zenbait jardunbideei esker, atmosferan pilatzen ari den CO2a gutxitzen lagun dezakegu. Hori dela eta, eskuartean duzun gida honek herri mailatik Klima Aldaketaren aurrean erraz jarduteko aholku sorta barneratzen du.

MUGIKORTASUNA

Oinez edo bizikletan mugi zaitez. 5 kilometroz beherako joanetorriak egiteko, bizikleta da garraiobide eraginkorrena. Eguneroko erosketak oinez egin ditzakezu, merkatal gune batera autoz joateko beharrik izan gabe. Horrela, zure auzoko merkataritza jarduera indartzeaz gain, arnasten dugun airearen kalitatea eta zure osasuna hobetzen ere lagunduko duzu.
Joan-etorrietan garraio publikoa erabil ezazu. Zure eguneroko desplazamenduak egin aurretik, erabil dezakezun garraio publikoaren eskaintza zein den azter ezazu, besteak beste; zure intereseko garraiobideen konbinazioak zeintzuk diren ezagutu eta garraio publikoaren bidaia-antolatzaileek eskaintzen dituzten beherapenak zeintzuk diren jakiteko (Lurraldebus txartela -, Euskotreneko 10 bidaietarako edo hilabeterako bonuak -, RENFE -, etab.).
Autoa parteka ezazu. Zurekin lanean ari diren pertsonen bizilekuaren eta ordutegien inguruan informa zaitez, eta autoa partekatzeko aukera proposa iezaiezu. Autoa partekatzeko ekimenari buruzko informazioa udal web gunean aurkituko duzu (www.irun.org), “Autoa partekatu” izeneko atalean.
Zure autoa behar bezala zaindu. Beharrezkoa ez dela iruditu arren, saia zaitez zure autoa aldizka aztertzera eramaten. Aintzat hartu beharreko oinarrizko puntuak honakoak dira: autoaren doikuntza egitea, pneumatikoen presioa doitzea, olio-maila egiaztatzea, eta airea zein olioaren iragazkien aldaketa egitea.
Zure autoaren olioa tailer batean alda ezazu. Horrela, olioa dagokion tratamendua egiteko baimendua dagoen gune batera eramango dutela bermatuko duzu.
Autoa eraginkorki gida ezazu. Modu oldarkor batean gidatzea ekidin ezazu: autoaren abiadura indarrean dauden arauek diotenera eta unean uneko trafi koaren egoerara egokitu ezazu; baxuak iruditu arren, abiadura mugak errespeta itzazu; ez ezazu bat-bateko azeleratze eta balaztatzeen bidez gidatu. 2 minutu baino gehiago geldirik egon behar baduzu, motorra itzal ezazu. Ez ezazu autoa gehiegizko kargarekin gidatu. Behar izanez gero, autoko parrilla edo bizikleta-eramatekoa ken ezazu.
Kontsumo baxuagoa duen autoa aukera ezazu. Ingurumenaren gaineko eragin murritzena sortzen duten autoak aukera itzazu. Horretarako, honako irizpideak aintzat har itzazu: begira ezazu autoaren kontsumoa zenbatekoa den eta kontsumo txikiena dute ibilgailuen alde egin ezazu; autoaren tamaina zure beharretara egokitzen dela ziurta ezazu; airera igorritako isurpen maila txikia izango dela baiezta ezazu; autoaren zatien ehuneko altu bat birziklagarri izan dadila eska ezazu, eta azkenik, autoak bio-erregaiak erabiltzeko aukera izatea eska ezazu.

Movilidad

BA AL ZENEKIEN...?

…autobus batek bidaiari bakoitzeko 50 aldiz espazio gutxiago behar izaten du autoarekin alderatuz gero, eta gainera, autobusak auto batek baino 3 aldiz erregai gutxiago kontsumitzen du.
…55 bidaiarirentzat tokia duen autobus bakar batekin 40 auto baino gehiago ken genitzake errepidetik (izan ere, auto bakoitzean bidaiatzen duten batez besteko bidaiari kopurua 1,3 pertsonakoa izaten baita).
…autoaren ohiko erabilerari lotutako gastuak –aseguruaren zenbatekoa, azterketa mekanikoak, erregaia, zergak, aparkalekuak, bidesariak,
…- urteko 2.500 euro baino gehiagora iritsi ohi dira. Aldiz, garraio publikoarekin erlazionatutako urteko kostuak autoaren kostu osoaren heren batera ere ez dira iristen.
…garraioari lotutako CO2 igorpenen %80 inguru autoaren erabilerarekin erlazionatuta dago; autoa partekatuz gero, ingurumen eragin hori garraiatutako bidaiari bakoitzeko nabarmen murrizteko aukera dugu.
…lanera joateko autoa partekatzeko ohitura duen pertsona bakoitzeko batez beste 1.000 litro erregai aurrez daitezke urtero. …behar bezala puztuta dauden pneumatikoek kontsumitutako erregai kopurua ehuneko 5 batean aurrezten lagun dezakete.
…motordun ibilgailu baten motorreko litro bat oliorekin milioi bat litro ur kutsatzeko arriskua egon daiteke.
…Klima Aldaketaren aurkako Europar Programak dioenari jarraiki, eraginkorki gidatuz gero, 2010 urtera bitartean Europa mailan CO2 gasen isurpenak 50 milioi tonatan murriztera irits gintezke. Horrekin batera, kontsumitutako erregai kopurua %15ean gutxituko litzateke.
…ibilgailu motordun eraginkor baten kontsumoa eta kirol-ibilgailu edo 4x4ko ibilgailu baten arteko kontsumoaren arteko aldea 10 litrokoa izatera iritsi daiteke egindako 100 kilometroko (kirol-ibilgailu eta 4x4 ibilgailuen kontsumoa askoz ere handiagoa izan ohi da).
…egindako 100 kilometroko, ibilgailu batek atmosferara 20 kilo CO2 igortzen ditu.

HONDAKINAK

Sortutako hondakinak birziklatzen lagun ezazu. Kalean aurkituko dituzun gaikako bilketarako edukiontziez gain, sortutako hondakinak “Gabigune” edo hondakinen bilketarako “puntu garbira” eraman ditzakezu. Birziklatutako produktu bat sortzeak produktua hasieratik ekoizteak baino energia kontsumo gutxiago behar izaten du.
Toxikoak izatera irits daitezkeen hondakinak eta edukiontziak “puntu garbi” edo Garbiguneetara eraman behar dira. Arasoko Garbigunera eraman daitezkeen hondakinen inguruko informazioa www.txinzer.com web gunean aurkituko duzu.
Ez ezazu sortutako zaborra lurrera bota. Bestela, zure hondakinak kaleak zikindu eta ibaiak, itsasoa edo zelai eta mendiak kutsatzera irits dait.
Plastikozko poltsak zabor-poltsa modura berrerabili itzazu.

BA AL ZENEKIEN...?

…pertsona bakoitzak, batez beste, urteko plastikozko 300 poltsa inguru kontsumitzen ditu.
…plastikozko poltsa xume batek 200 eta 400 urte inguru behar izaten ditu desagertzeko.
…familia bakoitzak urtean tona bat zabor sortzen du gutxi gorabehera, kopuru horretatik 150 kilo inguru metalezko, plastikozko edo Tetra-Brik erako ontziez osatuta egonik.
…gure zabor poltsaren erdia edo heren bat bilgarri zein edukiontziez osatuta egon ohi da. Bilgarri eta ontzi horiek ez diote normalean inolako hobekuntzarik ekartzen produktuari eta, gehienetan, horien prezioa handitzeko besterik ez dute balio izaten.
…gaikako bilketa zerbitzuari esker ekoizpen ziklora itzultzeko aukera izango luketen lehengai askok beren bizitza zikloa zabortegietan lurperatuta amaitzen dute.
…birziklatzen den beirazko botila bakoitzeko, etxeko telebista 3 orduz piztuta izateko adina energia aurrez daiteke.
…paper birziklatua egiteko, paper zuri berria fabrikatzeko behar dena baino ehuneko 65 energia gutxiago behar izaten da.
…tona bat paper birziklaturekin 17 zuhaitzen mozketa ekidin eta 20.000 litro ur aurreztera irits gaitezke.
…plastikozko poltsa bat sortzeko garaian 4 gramo CO2 isurtzen dira atmosferara. Pertsona bakoitzak urteko 230 plastikozko poltsa erabiltzen ditu gutxi gorabehera, eta horietatik soilik ehuneko 10a birziklatzen da gaur egun.
…munduan segundoko plastikozko 1.500 botila inguru botatzen da zaborretara. Plastikozko botila horiek sortzeko 26 milioi litro petrolio behar izaten dira, hau da; botila kopuru hori sortzeko atmosferara 2.500.000 tona CO2 igortzen dira.
…plastikoa fabrikatzeko erabiltzen diren produktu kimikoek sortzen dituzten hondakin toxikoak gaur egun munduan aurki daitezkeen 10 produktu kimiko arriskutsuenen artean daude.
…zigarro-punta batek 5 urte behar izaten ditu usteltzeko; txikle batek 5 urte; plastikozko poltsa batek 200 eta 400 urteren artean eta botiletako txapek 150 urte inguru.

KONTSUMO OHITURAK

Behar bezala presta zaitez erosketak egitera joan aurretik. Egin ezazu beharrezko dituzun produktuen zerrenda, eta erosketak egiteko poltsak edo orga etxetik eraman ezazu.
Elikagaiak eskuratzeko orduan gutxitu ezazu edukiontzi eta bilgarri kopurua. Soltean dauden produktuak eros itzazu, bilgarri ugari dituzten produktuak albo batera utziaz (onar itzazu soilik produktuaren garbitasuna nahiz segurtasuna bermatzeko beharrezkoak diren bilgarriak; horrela, sortutako hondakin kopurua murrizten lagunduko duzu).
Bertako eta sasoiko produktuak kontsumitu. Horrela, produktua garraiatzeak sortutako ingurumen inpaktua murriztuko da, zure elikadura anitzagoa eta osoagoa bilakatuko da, eta produktu bakoitzaren bizitza ziklo naturala errespetatuko duzu.
Kontsumitu itzazu Bidezko Merkataritzatik datozen produktuak. Era honetan, produktu horien jatorriko nekazari eta ekoizleen eskubideak bermatzen lagunduko duzu.
Produktuen etiketak eta ekoizleak eskainitako informazioa behar bezala irakurri. Produktua sortzen kontsumitu den energia, produktuaren osagaiak birziklatzeko aukera duten edo ez, nekazaritza ekologikoaren zigilua duen ala ez, produktuaren osagaien toxikotasun eza, eta abar bezalako aldagaiak maiz etiketetan txertatuta egoten dira.
Nekazaritza ekologikoaren zigilua daramaten produktuak bila itzazu. Nahiz eta oraindik zenbait saltokitan eskuratzerik ez dagoen, gero eta ugariagoak bilakatzen ari dira.
Larruak, lurralde arrotzetatik ekarritako animaliak edo jatorri ezezaguna duten koralezko nahiz marfi lezko oroigarriak arbuia itzazu, izan ere, babestutako espezieen heriotzaren sorburu izan daitezke.
Behin erabili eta botatzeko produktuak albora itzazu. Eskuratu nahi dituzun produktuak erosi aurretik, kontuan har ezazu horien iraunkortasuna eta baita hondatuz gero duten konpontzeko erraztasun maila ere.
Konpon itzazu objektuak. Puskatzen zaizkizun objektuak zakarretara bota aurretik, saia zaitez horiek konpontzen edo bestela, eraman itzazu konponketak egiten dituzten denda edo elkarteen egoitzetara.

BA AL ZENEKIEN...?

…etiketa ekologikoa daramaten 2.000 produktu baino gehiago daude salgai.
…nekazaritza ekologikoak lurzoruaren emankortasunari eta ekosistemen nahiz laborantzen ziklo naturala mantentzeari mesede egiten dio. Izan ere, laborantza ekologikoak bioaniztasuna handitu, pestiziden erabilerari lotutako uren kutsadura ekidin eta lurzoruaren kontserbazioa hobetzen du.
…bertako produktuak, gure eremutik hurbil ekoizten direnez, erosketak egitera joaten garen dendatara iristeko egiten duten ibilbidea laburragoa da. Ondorioz, garraioari lotutako ingurumen inpaktu txikiagoa sortzen dute.
…Bidezko Merkataritzako produktuak ingurumenarekiko begirunea eta tokian tokiko giza taldeen biziraupena bermatzen dute.

ENERGÍA

Pilarik behar ez duten aparailu elektrikoak erabili. Sare elektrikora konekta ezin daitezkeen eta funtzionatzeko pilak behar dituzten aparailuak erabiliz gero, behin erabili eta bota egiten diren pilen ordez, berriz karga daitezkeen pilak eros itzazu.
Funtzionatzen ari ez diren ekipo edo aparailu elektrikoak deskonekta itzazu. Telefono mugikorra konektatuta egon ez arren, kargatzailea elektrizitate sarera lotuta badago, honek energia kontsumitzen jarraitzen du.
Ordenagailua erabiltzen ari ez zarenean itzal ezazu eta denbora tarte txikietan ez erabiltzekotan, pantaila itzali.
Ez utzi etxetresna elektrikoak “stand by” eran. Harrigarria dirudien arren, stand by eran uzten ditugun tresna elektrikoek (hau da, argitxo gorria piztuta) energia kontsumitzen duten nahiz eta gu horiek erabiltzen ez egon. Onena tresna elektrikoak guztiz itzaltzea izaten da.
Etxeko lanak egiteko unean, etenaldietan, etxe tresna elektriko txikiak edo arropa lisatzeko plantxa itzal ezazu. Plantxaren kasuan, energia kontsumo altuena aparailu hau berotzeko garaian gertatzen da. Ondorioz, komenigarria izaten da arropa kopuru handiak pilatzen joatea eta aldi bakoitzean kopuru mordo bat lisatzea.
Arropa eta ontzi garbigailuak guztiz beteta daudela erabil itzazu. Arropa-lehorgailua erabili beharrean, jar ezazu arropa eguzkitan.
Platerak edo sukaldeko bestelako ontziak ontzi-garbigailuan sartu aurretik, ur hotzetatik pasa itzazu.
Arropa garbitzeko orduan, ur hotza darabilten programak aukeratu. Arropa ur beroa erabiltzen denean bezain garbi geratzen da eta gainera, arropak gehiago irauten du. Zentrifugatzeko garaian, altuenak diren abiadurak erabili; zenbat eta abiadura handiagoa orduan eta kontsumo txikiagoa.
Hozkailua egoera onean mantendu. Hozkailuaren eta izozkailuaren tenperatura erregula ezazu fabrikatzailearen aholkuak jarraituz. Aparailu horien ateak ireki aurretik, pentsa ezazu ondo zer behar duzun (horrela, ateak irekita energia alferrik galtzea ekidingo duzu) eta itxidura hermetikoa egoera onean manten ezazu.
Zure sukaldea hobeto erabili. Suak baino zabalera handiagoa duten ontziak erabili itzazu eta, sukaldeko beroaren probetxu handiagoa lortze aldera, sukaldean aritzeko orduan, jar iezaiezu ontziei beren tapa. Hobe da presio-eltzeak erabiltzea, energia aurrezten lagunduko baitizute.
Ez ezazu labeko atea ireki beharrezkoa ez bada behintzat. Labea irekitzen duzun bakoitzean, aparailuak berotzeko erabili duen energiaren %20a alferrik gal daiteke.
Etxetresna elektrikoak erosterako orduan, ura nahiz energia gutxien kontsumitzen duten merkatuko etxetresna ezberdinen inguruan informa zaitez.
Gelan ez zauden bitartean, argia itzal ezazu.
Bonbilla tradizionalak agortzean, eros itzazu kontsumo baxukoak. Azken hauek aldiro itzaltzen eta pizten ez egotea komeni da, une horietan kontsumitzen dute eta energia gehien.
Berogailua tenperatu egokian manten ezazu (21ºC).
Hotzenak diren egongeletako isolamendua mantentze aldera, horietan gortinak ipin itzazu.
Kristal bikoitzeko leihoak ezar itzazu. Horrela, %20ko energia aurreztera irits zaitezke.
%5-10 bitarteko energia aurreztera irits zaitezke bero-ihes guneak dauden tokietan isolamendu termikoa lortzeko sistemak jartzen badituzu.

Energia

BA AL ZENEKIEN...?

…Kontsumo baxuko bonbilla batek duen energia kontsumoa eta horri lotutako CO2 isurpenen baliokidea, “stand by” eran aurkitzen den DVD aparailu baten kontsumoarekin parekatu daiteke.
…Kontsumo baxuko bonbillek, bonbilla tradizionalek sortzen duen argitasun bera emateko, behar duten energia txikiagoa da (bonbilla tradizionalen ondoan, ia laurden baterainoko energia behar gutxiago hain zuzen ere).
…Bonbilla tradizionalak erabili beharrean, kontsumo baxuko bonbillak instalatuz gero, ezarritako bonbilla bakoitzak irauten duen denboran zehar, atmosferara tona erdi CO2 isurtzea ekiditen lagun dezakegu.
…Etxeetan kontsumitutako energia kopuru osoaren %60a ur beroaren nahiz berogailuaren erabilerari lotzen zaio. Energia aurrezteko moduetako bat etxe barruko tenperatura gure benetako beharretara egokitzean datza.
…Europa mailan etxeetan egiten den berogailuari lotutako energia gastuak 200 milioi petrolio tona kontsumitzea suposatzen du; hau da, Europan atmosferara igorritako CO2 emisioen kantitate osoaren %14a.
… Erabilitako berogailu sistemaren arabera energia kontsumoa alda daitekeen arren, garrantzitsuena tenperatura etxekoen beharretara egokitzea da; jaisten duzun tenperatura gradu bakoitzeko %7rainoko aurrezpena lor dezakegu zure fakturan.
… Etxeko isolamendu termikoa handituz gero, berogailuaren energia beharra erdira gutxitzera irits zaitezke.
…Isolamendu termiko egokia izanez gero, galdararen termostatoa arazorik gabe jaitsi daiteke, elektrizitate fakturaren zenbatekoa %30 batean aurreztuz eta logeletako tenperatura mantenduz.
… Etxebizitzetan behar izaten den energia kopuruaren %20a hozkailuari dagokio. Ez ahaztu hozkailua egoera onean mantenduz gero, aparailuaren energia kontsumoa %25era gutxitu daitekeela.
…Arropa garbigailu batek behar izaten duen energiaren %80a gutxi gorabehera ura berotzeko izan ohi da.
…Sukaldean presio-eltze bat erabiliz gero, energiaren kontsumoa %30era jaitsi daiteke.
…Pila batek desagertzeko 1.000 urte behar izaten ditu eta 600.000 litro ur kutsatzera irits daiteke.

URA

Gorputza garbitzeko orduan, dutxa bainua baino hobe.
Dutxatzerakoan ur azpian egoten zaren denbora laburtu eta xaboitzen zaren bitartean txorrota itxi ezazu.
Txorrota itxi ezazu hortzak garbitzen dituzun bitartean edo bizarra mozten ari zarenean, bestela hiru litro ur baino gehiago xahutzen ariko zara eta. Presiopean irekitako txorrotatik 3 litro ur xahutzera irits zaitezke.
Txorrota erabiltzen ari ez zaren bitartean itxi ezazu. “Monomando” erako sistemei esker tantajarioa ekiditeaz gain, sistema hauek erabilerrazagoak dira eta ur bero eta hotzaren arteko nahasketa errazten dute, energiaren kontsumoa murriztuz.
Kontagailuaz baliatuz, ur-ihesak kontrola ditzakezu. Egon zaitez 2 edo 3 ordutan ura erabili gabe eta konproba ezazu ea kontagailuak denboraldi horretan zenbatzen jarraitu ote duen.
Komuneko zisterna behar duzunean soilik erabil ezazu. Kontuan izan erabiltzen duzun bakoitzean 6 eta 10 litro ur inguru kontsumitzen direla. Zisternaren barruan urez betetako botila bat edo harri bat ipiniz gero, zisternak hustutako ur kopurua gutxitzea lortuko duzu. Horrela, egunean 24 litro ur aurreztuko dituzu.
Zisterna aldatu nahi izanez gero, informa zaitez ura aurrezteko ekonomikoenak diren sistemen inguruan (sakagailu bikoitzeko zisternak, esaterako).
Ez bota zigarroak, kotoiak, konpresak, ezta olioa edo kutsatzaileak izan daitezkeen gainerako produktuak ere; komunak ez dira zaborrontziak! Hoditeria trabatzeaz gain, ur zikinen arazketa oztopatuko duzu bestela. Kontuan izan, aldi berean, trabez libratzeko balio izaten duten zenbait produktuk ere ura kutsa dezaketela.
Etxean garbiketak egiteko produktuak erosi aurretik, produktuen etiketak arretaz irakur itzazu. Lehenetsi itzazu elementu toxiko edo arriskutsuak ez dituzten garbiketa produktuak, horrela ere ingurumena zaintzen ere lagunduko duzu eta. Lixiba neurrian erabili ezazu.
Lixibak ur zikinen araztegien funtzionamendua oztopatzen du. Eskura itzazu, ahal izanez gero, fosfatorik gabeko produktu garbigarri ekologikoak.
Etxeko objektu edo material ezberdinak garbitzeko orduan, erabili soilik beharrezko garbigarri kantitatea. Garbigarri gehiago erabiltzeak ez du produktua garbiago geratuko denik bermatzen. So egin iezaiozu garbigarriaren ontzian egoten den etiketari, bertan gomendatzen baita erabili beharreko kantitate zehatza.
Etxeko zenbait garbiketa egiteko ozpina edo bikarbonatoa erabil dezakezu. Era honetan, produktu kimiko garbigarrien kontsumoa murriztuko duzu.
Landareen ureztatzea beren beharretara egokitu ezazu. Hobe da landareak gauean edo eguna argitzen duenean ureztatzea, eta ez bero gehien egiten duen eguneko orduetan (horrela jokatuz gero, erabilitako ura lurrundu eta, beraz, xahutzea besterik ez duzu lortuko). Gogoratu mahukaren bidez ureztatzea ur gehiago xahutzeko modu bat gehiago dela.
Egun euritsuak euri-ura ontzietan jaso eta ondoren beste erabilpen bat emateko aprobetxa dezakezu. Euri-urak dituen ezaugarri bereziengatik, edateko uraren aldean, landareentzat onuragarriagoa da.
Bertako landareak aukeratu kanpoko espezie arrotzak hautatu beharrean (kanpoko espezieek ur behar handiagoa izaten dute bertako landareekin alderatuz gero).
Zure etxean lorategia baldin baduzu, ureztatzeko erabiltzen duzun uraren lurruntzea ekiditeko tanta-jario bidezko ureztaketa sistema ezar ezazu, pinu azala duen bigungarri moduko oinarri bat ipiniz edo bestela, lurraren gainean hartxintxarra jarriz.
Lorategian ongarri edo intsektizidak erabili aurretik, horrek ingurumenean sor dezakeen eraginaz informa zaitez. Gero eta ohikoagoa bihurtzen ari da konposta edo intsektizida ekologikoen erabilera lorezaintza zen nekazaritzan.

BA AL ZENEKIEN...?

…plastikozko botila bat sortzeko 30 litro ur xahutzeaz gain, energia kantitate handia ere kontsumitzen da.
…tantaka ari den txorrota batetik urtean 9.000 litro ur galdu daitezke.
…irekita dagoen txorrotaren ur emaria minutuko 10 litrokoa izan daiteke. 3 pertsona bizi diren etxebizitza bateko iturri guztietan ur ekonomizatzeak ipiniko balira, urtean batez beste 95.000 litro ur aurrezteko aukera legoke.
…iturrietan ura aurrezteko gailuak ezarriz gero, urteko 25 eta 50 euro bitarteko diru xahuketa ekiditera iritsiko ginateke.
…Komuneko katetik tira egiten duzun bakoitzean 9 litro ur xahutzen dituzu. Zisternaren erabilerak ur kontsumoaren %40a suposatzen du.
…Bainu hartu beharrean dutxatuz gero, 100 litroko baino gehiago aurrez daitezke. Era berean, minutuko 10 eta 20 litro bitartean aurreztera irits gaitezke dutxa garaiaren denbora murrizten badugu.

WEB INTERESGARRIAK

Klima Aldaketari buruzko zure ezagupenak handitu nahi izanez gero, sar zaitez honako web guneetan:

Erlazioa duten bestelako web guneak:

"Jardunbide Egokien Gida" jaitsi

Deskargatzeko, sakatu saguaren eskuineko botoia eta aukeratu “Gorde helburua honela..."

Jardunbide Egokien Gida [ 189 Kb ]