Antolamendu batean kalitate-sistema bat ezartzeko, konpromiso handia hartu behar da maila guztietan. Sistema horren gestioa pentsaezina da bi inplikazio-joera ez badaude:

Antolamendu eta Kalitate Zuzendaritza da kalitate-sistemen kudeaketaz arduratzen den unitatea, eta horretarako, bere ardurapean utzitako proiektuak zuzenean kudeatzen ditu eta proiektu horiei laguntza ematen die eta kalitatearen kontrol lana egiten du udal zerbitzuen ardura zuzenaren pean.
Funtzio horiek bete ahal izateko, Antolamendu eta Kalitate Zuzendaritzak beharreko giza baliabideak izango ditu, bai iraunkorrak bai behin-behinekoak, kalitate teknikariak eta aholkulari espezializatuak barne.

Udalaren antolamenduan dauden arloetako arduradun politiko eta teknikoei dagokie beren erantzukizun esparruan kalitate-estrategiak eta proiektuak sustatu eta gauzatzea.

Kalitate batzorde batek bultzatuko du proiektu oro eta batzorde horrek bere gain hartuko du proiektu horren zehaztapena, gauzatzea eta abiaraztea.
Zeharkako proiektuetan (bi arlo edo gehiagori dagozkionak), proiektua bideratu behar duten arloetako udal funtzionarioak egongo dira Batzordean, funtzionario horiek batzordera bilduko baitira esperientzia dutelako eta proiektu horiek ezagutzen dituztelako eta hobekuntzak sartzeko gaitasuna dutelako. Antolamendu eta Kalitate Zuzendaritzak, bere lana aurrera eramateko beharreko baliabideak emango dizkio Batzordeari modu iraunkorrean edo behin-behinean.
Proiektu bertikaletan (alor bakar bati dagozkionak), alor horretako arduradun politiko eta teknikoez gainera, proiektu horiek ukituriko pertsonak egongo dira, batzordeak proiektu hori arrakastaz aurrera eramateko beharreko esperientzia, ezagutzak eta jarrera baldin badute beti ere.

Hobetu beharreko prozesuek ukituriko langileak zuzenean eta benetan inplikatzen badira soilik jar daitezke abian kalitate-sistemak kudeaketan. Langile horiek proiektu eta konpromisoetan parte har dezaten, proiektu horietan aktiboki parte hartzeko beharreko gaitasun eta birziklatzea eskaintzeko konpromisoa hartu du Udalak, besteak beste.
Era berean, udal langile eta funtzionarioek kalitate-proiektuetan parte hartzea beren lanaren beste atal bat bezala hartzea espero du Udalak, beren esperientzia eta antolamenduaren ezagutzak proiektuaren eskura jartzea, lanaren logika taldean hartzea, taldean lan egin behar baita proiektuak zehaztu eta abiarazi ahal izateko, eta kalitate-proiektuetatik etorritako aldaketak beren lanean gorpuztea aurretik zehaztutako ohitura eta jardun batzuk aldatuz.

Udal zerbitzuen erabiltzaileak ere baliabide garrantzitsua dira kalitatea kudeatzeko sistemak abiarazteko orduan. Kalitatearen kudeaketan zerbitzuko funtsezko atal gisa azaltzen da erabiltzailea. Erabiltzaile bakoitzak bere moduan hautematen du zerbitzuaren prestazioa, eta horregatik, oso garrantzitsua da zerbitzu horiekiko dituzten itxaropenak, gaitasunak eta iritziak azaltzea.
Zerbitzua jaso aurretik erabiltzaileak dituen beharrak eta itxaropenak ezagutu nahi ditugu eta emaniko zerbitzuarekiko duten iritzia ere jakin nahi dugu. Hona hemen zerbitzuen erabiltzaileak bere kalitate-sistemetan parte hartzeko Irungo Udalak planteatzen dituen aukerak: