NABEGAZIO LAGUNTZAK

NABEGAZIO AUXILIARRAREN MENUA

Udala: Erakundea >Bere Helburuak > Arloak > Gizarte Ongizate

Gizarte Ongizate

Udalaren gizarte-zerbitzuak dira ate nagusiak, Gizarte Zerbitzuen Sistema Publiko osora sartzeko. Horrek ardura itzela dakarkio tokiko administrazioari.

Irungo Udalak, ardura horretaz konsziente delarik, Gizarte Zerbitzuen Plan Estrategikoa egin du, eta plan horrek definitzen du udalaren gizarte-politika, datozen urteetarako. Tokiko udal arduradunek adierazitako borondate politikoan oinarrituta jaio da Plan hori. Alegia, Hiri proiektua proposatzen da, non udalaren jardunean lehentasunezkoak baitira familiak, pertsonak, guztion integrazioa eta gizarte kohesioa. Gizarte ongizatearen kota garrantzitsuak eta iraunkorrak lortu ahal izateko hiri-proiektua da.

Gure helburua da gizartearen kohesioa eta Irungo herritar guztien ongizatea sutatzea:

Alde batetik, prebentzio-politikak garatuz. Horien bidez, hirian bizi diren guztien bizi-kalitatea hobetzen eta gizarte-bazterkeriari aurre egiten laguntzeko.
Bestetik, arreta-zerbitzuak eskainiz eta arintzeko ekintzen bidez, horrelako egoerak konpontzeko, eta kolektibo ukituei, batez ere egoera txarrenean daudenei kaltea murrizteko.

Horretarako ari gara lanean udalaren gizarte-zerbitzuak eratzen:

Modernoak antolamenduan, eta berritzaileak programa garatuetan.
Jarduteko honako parametro hauek erabiliko dituztenak:
   - kalitatezko arreta
   - emaitza eraginkorrak
   - baliabideen erabilera eraginkorra.
Irekiak, Irungo herritarrek onartzen dituzten eta haien beharretara egokitzen diren gizarte-erakundeekin eta boluntarioekin lankidetzan aritzeko.

Honako hauek dira jarduteko ditugun balioak eta printzipioak:

Normalizazioa eta unibertsalitatea: laguntzaren iruditik eskubideen irudira.
Integraltasuna ekintzetan.
Erantzukizun publikoa eta gizarte-ekileen ardurakidetza.
Koordinazioa, kooperazioa eta zeharkakotasuna.
Gizartearen sentsibilizazioa eta partaidetza.
Prebentzioa.

Honako hauek dira gure jarduna definitzen duten helburu estrategikoak:

Antolamendua sendotzea
Prebenitzeko jarduerak gehiagotzea
Laguntza-jarduerak hobetzea
Gizartearen lankidetza eta partaidetza areagotzea

Bost zerbitzutan antolatuta dago arloa:

Lehen mailako arreta
Esku-hartze komunitarioa
Planifikazioa eta kudeaketa
Hirugarren adinekoentzako egoitza -ekipamenduak
Kontsumo zerbitzua

Lehen mailako arreta


	Hau da bidea Irundarrak Gizarte Zerbitzuetan sartzeko. Funtzioak: Informazioa, orientazioa eta aholkularitza gizarte baliabideei eta zerbitzuei buruz. Esku-hartzea, egoera babesgabean bizi direnei erantzuteko (etxeko indarkeriaren emakumezko biktimak, adingabeak...). Kolektibo behartsuentzako programen kudeaketa (gutxiengo etnikoak, iragaleak, immigranteak...). Laguntza ekonomikoen kudeaketa. Gizarte-laguntza minusbaliatuentzako, zaharrentzako, droga-menpekoentzako. Zerbitzura sartzeko prozedura: Hitzordua hartu beharra dago erabiltzailearen erroldako helbideari dagokion gizarte-langilearekin, edo 60 urtetik gorakoekin zerikusia duen gairen bat baldin bada. Hitzordua zehazteko deitu HAZ/SACen telefonora: 010 (Irundik bertatik deituz gero) edo udalaren telefono honetara: 943 50 51 52, beste herriren batetik deituz gero.

	gora

Esku-hartze komunitarioko zerbitzua

1. DROGA-MENDEKOTASUNAK PREBENITZEKO PROGRAMAK

ESKOLA EREMUKO PREBENTZIOA

Droga-mendekotasunen prebentzioa lehen hezkuntzan:
“Lagunekin Baratzean”: 5-8 urte bitarteko umeentzako (programaren jarduera espezifikoa: Txontxongilo).”Osasunkume”: 8-12 urte bitartekoentzako. Bi programa horietan, balioak, bizitzarako trebetasunak, ohitura osasungarriak eta horrelakoak lantzen dira.
Droga-mendekotasunen prebentzioa bigarren hezkuntzan:
Hordago Programa: DBHko 1, 2, 3, eta 4. eko ikasleentzako. Drogak kontsumitzearekin zerikusia duten faktoreak aldatzera zuzenduta.
Drogak kontsumitzearekin lotutako Arriskuak prebenitzeko tailerrak: DBHko 3. eta 4.ean, Batxilergoan, Trebakuntza Zikloetan eta LHIn egitekoak.
"Zineskola": DBHko 4.erako, Batxilergorako, Trebakuntza Zikloetarako, LHIrako eta LHIaurrerako.
Eskolarteko Lehiaketa: Urtero egiten da, gazteek beren iritzia eman dezaten drogen kontsumoaren gainean.
Hezkuntza-maila guztietan:
Irakasleak trebatzeko saioak eta aita eta amentzako saioak.

PREBENTZIO KOMUNITARIOA

Discosana: trebakuntza programa gaueko aisirako lokalen jabe eta langileentzako.
Testing: substantzia psikoaktiboak “in situ” testatzeko programa, haiek kontsumitzeak dituen arriskuei buruz informatuz.
Droga-menpekotasunaren II. Tokiko Plana. [ 621 Kb]
Drogen kontsumoa (tabakoa, alkohola eta legez kontrako drogak) Irungo hiriko ikasleen artean. [ 4 Mb]

2. NERABEEI ETA FAMILIARI ARRETA EMATEKO PROGRAMAK

Gurasoekin: Aita eta amei laguntzeko programa, orientatzeko eta heziketarako aukerak emateko, lagungarri izan daitezen seme-alabak hezteko zailtasunei aurre egiteko. Talde txikiak eta famili kontuetako psikologo adituek koordinatuta.
Nerabeentzako laguntza: Laguntza-taldeak, nerabeek beraiek parte hartzen dutela, eta helburua dute eboluzio-aldi horretan laguntzea, hori guztia autoestima sendotzeko, komunikazioan giza-legezko ohiturak garatzeko eta dituzten arazoei irtenbidea aurkitzeko lagungarri izan dakien.
Aire Zabaleko heziketa programa: Izaera komunitarioko programa, helburua duena nerabeen garapenean laguntzea, norberaren bizitzarako proiektu positiboak eraikitzen lagunduz. Hezitzaile adituek esku hartzen dute gazteekin, heziketa-harremanak ezarrita.
Bigarreneko Ikastetxeentzako aholkularitza. Gizarte-arriskua eta moldatu ezina prebenitzeko.

3. GIZNEZKOEN ETA EMAKUMEZKOEN ARTEAN AUKERA-BERDINTASUNA SUSTATZEKO PROGRAMAK

Ekintza Positiboaren I. Plana. Jarduerak sustatzea gizonezkoen eta emakumezkoen artean aukera-berdintasuna sustatzeko.
Eskoletan Indarkeria Sexista Prebenitzeko Programa –Bidasoa-Txingudi Partzuergoaren eta Irungo, Hondarribiako eta Hendaiako DBHko ikastetxeen laguntzarekin.
Etxeko Autonomiaren Tailerra. Etxeko lanak berdintasunean banatzea sustatzeko.
Norberaren Autoestimaren Tailerra, Irungo emakumeei zuzendua
Komunitatea Sentzibilizatzeko Programa –Martxoaren 8an Emakemaren Eguna eta azaroaren 25ean emakumeen aurkako indarakeriaren kontrako eguna ospatzeko jarduerak eta prebenitzeko eta dibulgaziozko materialen argitalpenak hartzen ditu bere baitan.

4. GIZARTERATZEN LAGUNTZEKO PROGRAMAK

Oro har, gizarte-egoera zailean daudenak gizarteratzen eta lanbideratzen laguntzeko eta hori sustatzeko programak eta jarduerak dira.

Gizarteratzeko Hitzarmenen Programa. Gizarteratzea sustatzeko konpromiso eta ekintza negoziatuak hartzen dituzte beren baitan.
Diagnostikoa eta lan-orientazioa. Lan-trebakuntzako programetan parte hartzera motibatzeko eta sustatzeko asmoz.
Auzolan Programa Bidasoa Bizirikekin koordinatuta. Enplegu eta trebakuntza programa, ohizko lan-munduan sartzeko zailtasunak dituzten kolektiboak hartaratzen laguntzeko.
Saiatu Programa, norbera gizarteratzeko aurreorientazioa, motibazioa eta ekina.
Lan-trebakuntzako beste programa batzuk, Bidasoa Bizirik garapenerako agentziarekin eta Cáritas, Emaus, Sartu eta horrelako gizarte-erakundeekin lankidetzan.

5. IMMIGRAZIOKO PROGRAMAK ETA JARDUERAK

Helburua duelarik hirian komunitatez kanpoko immigranteei gizarteratzen laguntzea.

Immigrazioaren Tokiko Plana
“Irun Zabalik” Irungo Kulturarteko Astea
Sentsibilizazio eta dibulgazio materialak: Immigranteentzako Baliabideen gida.
Sentsibilizatzeko programak eta jarduerak. Arrazismoa eta xenofobia prebenitzeko eta kulturartekotasuneko gaiak jorratzeko.
Gizarte eragileentzako aholkularitza immigrazioaren gaian.

gora

Zerbitzuaren Funtzioak baliabideak planifikatzeko eta kudeatzeko


	Gizarte Ongizate arlorako zerbitzuak eta baliabideak planifikatzea. Hiritarren beharren eta gizarte-eskakizunen ebaluazioa. Gizarte Zerbitzuekin zerikusia duen informazioa kudeatzea. Gizarte Zerbitzuen kalitatearekin eta hobekuntza etengabearekin zerikusia duten ekintzak proposatzea. I+G ekintzak gidatzea Gizarte Ongizate arloan. Irisgarritasunarekin zerikusia duten estrategiak eta ekintzak planifikatzea eta ezartzea. Baliabide berezkoak eta hitzartuak kudeatzea (egoitza-baliabideak, etxeko laguntza). Programak eta prozesuak-eta garatzeko, Gizarte Ongizate arloko gainerako zerbitzuei aholkatzea. Gizarte Zerbitzuen eremuko elkarteentzako dirulaguntzak banatzea. Hilerria kudeatzea.
	gora

Hirugarren adinekoentzako egoitza ekipamenduak

AMA XANTALEN EGOITZA

Etxebizitza iraunkorreko zentroa bere kabuz bizitzeko zailtasunak dituzten zaharrei laguntzeko. 68 toki ditu eta bi gehiago egoitza-pisuetako larrialdi egoeretarako.

Funtzionatzeko arauetan, zentroak honako hauek begiesten ditu: erabiltzailearen integrazioa eta parte-hartzea zentroko jardueretan, banan-banako arreta eskaintzea, autonomia eta askatasuna sustatzea. Honako zerbitzu hauek ematen ditu: ostatu-ematea, garbitegia, norberaren zaintza, erizaintza, gizarte eta kultur animazioak, terapia okupazionala, sasoi eta arreta fisikoa eta psikikoa, familien orientazioa eta laguntza, administrazio-kudeaketak eta liburutegia.

Plazak finantzatzeko erregimena Udal Ordenantzan ezarrita dago (2005 urtea, GAO, 244 zk., 2004ko abenduaren 22koa).

El régimen de financiación de las plazas viene establecido en Ordenanza Municipal (Año 2005, BOG nº 244 de 22 de Diciembre de 2004).

HORRETARAKO TELEFONO
Harrera	943-505394
Administrazioa	943-505391
Erizaintza	943-505392
Gizarte lang.	943-505395
Zuzendaritza	943-505390

Hitzordua hartzeko deitu HAZ/SACera 010, Irundik deituz gero, edo 943 505 152, beste herrietatik deituta.

EGUNEKO EGOITZA

Egoitzan integratutako zentroa da, egoitza-zentro batean ingresatu beharrik ez baina bere famili eta gizarte giroan egon dadin laguntza behar duten zaharrei zerbitzuak emateko, aldi berean haiekin bizi direnei lagunduz.

15entzako tokia du, astelehenetik igandera, urteko 365 egunetan. Ordutegia: 8:30etik 18:30era. Gurutze Gorriaren ibilgailu egokituan joaten dira zentrora, erabiltzailearen etxetik bertatik. Funtzionatzeko arauetan, Eguneko Egoitzak honako hauek begiesten ditu: erabiltzailearen integrazioa eta parte-hartzea zentroko jardueretan, banan-banako arreta eskaintzea, autonomia eta askatasuna sustatzea. Honako zerbitzu hauek ematen ditu: ostatu-ematea, garbitegia, norberaren zaintza, erizaintza, gizarte eta kultur animazioak, terapia okupazionala, sasoi eta arreta fisikoa eta psikikoa, familien orientazioa eta laguntza, administrazio-kudeaketak eta liburutegia.

Plazak finantzatzeko erregimena Udal Ordenantzan ezarrita dago (2005 urtea, GAO, 244 zk., 2004ko abenduaren 22koa, zuzentzeko dago).

HORRETARAKO TELEFONO
Harrera	943-505394
Administrazioa	943-505391
Erizaintza	943-505392
Gizarte lang.	943-505395
Zuzendaritza	943-505390

Hitzordua hartzeko deitu HAZ/SACera 010, Irundik deituz gero, edo 943 505 152, beste herrietatik deituta.

BIZITEGI PISUAK

Bizitegi plazak dira, Ama Xantalen Egoitzarenak, Egoitza batean eskaintzen diren baliabide hain sendoak behar ez dituzten egoera psiko-fisiko eta sozialean dauden zaharrentzako prestatuak. 24 plaza eskaintzen ditu, Irungo 5 bizitegi-pisutan banatuta. Osasuneko edo bizikidetzako arrazoiak direla-eta Egoitzara aldatzea bermatzen da.

Funtzinatzeko arauetan, Bizitegi-pisuak honako hauek begiesten ditu: erabiltzailearen integrazioa eta parte-hartzea zentroko jardueretan, banan-banako arreta eskaintzea, autonomia eta askatasuna sustatzea. Honako zerbitzu hauek ematen ditu: ostatu-ematea, garbitegia, familien orientazioa eta laguntza, administrazio-kudeaketak.

Plazak finantzatzeko erregimena Udal Ordenantzan ezarrita dago (2005 urtea, GAO, 244 zk., 2004ko abenduaren 22koa).

HORRETARAKO TELEFONO
Administrazioa	943-505391
Gizarte lang.	943-505395
Zuzendaritza	943-505390

Hitzordua hartzeko deitu HAZ/SACera 010, Irundik deituz gero, edo 943 505 152, beste herrietatik deituta.

gora

Kontsumitzailea Informatzeko Udal Bulegoa


	Gizarte Ongizatea Urdanibia plaza, 6 - 20304 - Irun Tel. 943 505357 Fax 943 505631 Kontsumitzailea informatzeko ( e-mailaz, telefonoz eta zuzenean) Erreklamazioak bideratzea: arazoa konpontzeko bitartekaritza. Salaketak hartzea. Kontsumo-arbitrajea: gatazkak erabakitzeko formula bide judiziala erabili gabe. Albiste interesgarriak dibulgatzea.
	gora

Arloen Aukerak


> Alkatetza	> Antolamendu eta Kalitatea	> Idazkaritza Orokorra, Giza Baliabideak eta Koordinazioa

> Ekonomia eta Ogasuna	> Hirigintza eta Ingurugiroa	> Obrak eta Hiri-Mantenua

> Gizarte Ongizatea	> Hezkuntza, Kultura eta Gazteria	> Hiritar Segurtasuna