Irungo Udala. Ayuntamiento de Irun: Irun.org

NABEGAZIO LAGUNTZAK

Irungo Udala

NABEGAZIO AUXILIARRAREN MENUA

Igandea, 2019 Abuztuak 18

Goardiako farmazia

(Gau-Egunez)
I. AGUIRRE (Puiana)
Embajador P. de Aristegui, 9
T. 943509231

Urte osoko egutegia 2019

NABEGAZIO MENUA

WEB ORRIAREN EDUKI OROKORRA

ORAINGO WEB ORRIAREN IRISBIDEA

Irun ezagutzeko > Ekonomia > Ekonomiaren ardatzak

# hasiera

Irungo ekonomiaren ardatzak

Irun, Hondarribia eta Hendaia, Donostia-Baiona Korridorearen erdian dauden hiriguneak, oso espezializatuta daude zerbitzu sektorean, batez ere salerosteko gaien trukean, hiru hiriak mugerri baitira. Horrenbestez, aipatutako Korridorearen ipar eta hegoaldeko sektoreak elkartzeko lotura eta Donostia-Baiona Korridorea etorkizunean garatzeko gakoetako bat osatzen du hiru hirien multzoak, eta itxura guztien arabera, jarduera guztien garapenerako faktore nagusia ere izango da.

Bidasoa Beheko Eskualdeko espezializazio garrantzitsuenetako bat garraio sektorearen garapena eta bilakaera eta hari lotutako jarduerak dira. Jarduera hauek, hein batean Aduanaren funtzioari esker gaur arte iraun dutenak, funtsezko elementuak izan dira tokiko ekonomian, batez ere Irunen eta neurri txikiago batean, Hendaian.

Burdinbide-zoru erreserba garrantzitsuak funtsezko funtzioa betetzen du, batetik, etorkizunean aurkeztuko diren garraio intermodalaren alternatiba eta funtzioen euskarria izateko aukera eskaintzen duelako eta, bestetik, abiadura handiko trenarekin lotura estua izan dezakeelako.

Etorkizuneko ekonomiaren garapenaren beste oinarri sendoa turismo-jarduera da. Eskaintza batzuk urtaroen araberakoak eta hondartzak erabiltzeko aukeraren araberakoak dira, baina beste eskaintza batzuk urte osokoak dira, hala nola aisialdi zerbitzuak, hiritarrei eskaintzen zaizkien zerbitzuak eta merkataritza zerbitzuak. Eskaintza hauek Frantziako eta Espainiako bazter guztietatik edo/eta ondoko eskualdeetatik nahiz gure eskualdetik beretik egiten diren eskaerei erantzuten diete. Eskualdea garatzeko ardatz honi lotuta, behar-beharrezkoa izango da natura eta paisaiak baloratzea eta sendotzea; izan ere, Ekologian eta Ingurugiroan kalitate handia darion barruti gisa sendotu behar da gurea, aipagarrienak diren bertako balioak eta baliabideak bultzatu behar dira, eta eskualdearen landa izaera (nekazaritza eta abeltzaintza) zaindu behar da.

Abian jarri daitezkeen Natura eta aisialdirako jarduera erakargarrienek itsasbazterra dute oinarri: itsasoa bera, hondartzak (Hondarribia eta Hendaia) eta goi mailako zenbait kirol jarduerarako ekipamenduak. Baina baita Txingudi Badian oraindik ezezagunak zaizkigun hainbat leku, ingurugiroaren ikuspegitik aberatsak. Bestalde, hortxe daude itsas kirolak egiteko azpiegiturak, kaiak, Irlak, Plaiaundiko padurak, Bidasoa ibaia, inguruko mendiak (Aiako Harria eta Jaizkibel), basoak eta mendiko paisaiak eta beste batzuk.

Erakarri soziokulturalak hirigune historikoen hiri paisaia, merkataritza eta giza baliabideen arloan hobetzean oinarrituko dira.

Gune historikoen aukerak alde horietan egokitzapen-lan handiak egin beharra eskatzen du gune historikoei dagokien balioa emateko. Horrenbestez, erakarri handieneko eremuetan eta denda ugari dauden aldeetan zaharberritze eta egokitzapen-lanak egingo dira eta oinezkoentzako alderdiak prestatuko dira.

Irungo merkataritzaren azpiegiturari bagagozkio, ekintza-eremu zabala hartzen duen hiri-komertziorako azpiegitura elkartuak eta integratuak garatu dira eta dauden denda-aldeetan egokitzapen-lan ugari egin dira. Bestalde, merkataritza-gune berriak sortu dira, Txingudi izenekoa esaterako. Edozein kasutan, merkataritza erakargarriagoa egiteko urratsak egin dira.

Ostalaritza etorkizun handiko azpisektorea da, baina ondo landu beharra dago, koalifikazio handiagoa behar du. Nolanahi ere, aukera handiak dauzka eskualdeko kultura eta giza baliabideak kontuan baditugu.

Egungo industria-azpiegitura da hirugarren arlo garrantzitsua: industria-zerbitzu aurreratuak, garraio eta merkataritza-jardueren lagungarriak, itsas kirolen industria eta beste batzuk.

Irungo udalerriaren esparruan ez da zorua okupatzeko aukera handiegirik izango egun indarrean dagoen Plan Orokorrak planteatzen dituen urratsak burutu ondoren. Ez da inolaz ere planteatutakoa aldatuko Plan Orokorraren Jarduera-Programak duen 8 urteko indarraldian, eta nekez 15 edo/eta 20 urteko epea amaitu baino lehen.

Epe luzeago batean, aldiz, beharrezkoa izango da Eskualde osoko lurren baliabide fisikoak berriro ere aztertzea. Ildo honetatik, garrantzi handia du eta izango du Irun eta Hondarribia hiriak bereizten dituen lur-eremuak. Alde hau aski zelaia da, behar bezala komunikatuta dago, burdinbidearen ondoan, saihesbideak alderik alde igarotzen du, bertara biltzen da Gipuzkoako aireportua, eta zuzenean lotuta dago Txingudiko badiarekin eta bertan amaitzen diren kanal eta errekekin.

Irunen bizi Zure zerbitzura Irun ezagutu Zure udaletxea