Irungo Udal Kontserbatorioa eta Musika Fundazioa

HASIERA

AURKEZPENA

Castellano

Aurkezpena

Jatorria

Musika hezkuntzarako zentroa, Musika Eskola eta Erdi Mailako Kontserbatorioa daude bertan.

LOGSE legea ezarri ondoren sortu ziren, 1992-93 ikasturtean, eta era horretan jarraitu dute musika irakasten, Irungo Udalaren babesean. Mende honen lehen hamarkadetan du horrek jatorria.

LOGSE legean jasotako Musika Prestakuntzaren kontzepzio berria bideratzen dute Irungo Musika Eskolak eta Kontserbatorioak: irakaskuntza arautua eta arautu gabea, aniztasunari erantzuna, dinamismoa eta etengabeko eguneratze pedagogikoa.

Hiri erdian dago Zentroa, bide nagusitik (Colon Ibilbidea) gertu, Mendibil deituriko parke ederrean.

Musika irakaskuntzak

	MUSIKA ESKOLA	ERDI MAILAKO KONTSERBATORIOA

Hasierako maila
6 urtetik aurre

Oinarrizko
Diploma

Oinarrizko maila
(4 ikasturte)

Sarrera
proba

Oinarrizko maila
(4 ikasturte)

Errezital
Ziurtagiria

Maila Ertaina
(6 ikasturte)

Titulu
Profesionala

Prestakuntza praktikoa

Jarduera pedagogikoa sei urtetik aurrera hasten da Musika Eskolan. Mugimendua gorputzaren bidez, gorputz egitura, motrizitatea, erritmoa, doinukera, abesbatza kantua, entzumena eta abar ezagutzeak, jostatze moduan hartuta beti ere, mundu berri eta erakargarri batean sartzeko aukera ematen dio ikasleari, eta mundu horretan, arian-arian, lortu ahal izango du musika hezkuntzako ziklo desberdinak gainditzeko beharreko maila.

Musika Eskola eta Kontserbatorioaren pedagogia helburuen barnean, funtsezkotzat hartzen da ikasleek instrumentu taldeetan integratu eta parte hartzea, ikasle horien pertsona eta arte mailako prestakuntzarako ezinbesteko osagarri gisa.

Gure irakasleak

Gure irakasleak profesional kualifikatuak dira, eta sormenez eta gogoz egiten dute lan, metodologiak eta teknikak kontrastatuz.

Taldean egiten dute lan, mundu osoko irakasleekin jakintzak etengabean trukatuz, mintegiak, masterrak, etengabeko prestakuntza ikastaroak eta abar eginez.

Beren irakaskuntza jarduerarekin batera kontzertu jarduera garrantzitsua garatzen dute, eta horrek kalitatezko irakaskuntza sortzen du eta Zentroari ospea ematen dio.

Tutoretzak

Musika irakaskuntzaren mundu konplexuak – ezezaguna izateagatik – bere egitura desberdin (arautua, ez arautua), sarrera proba, instrumentu aukeratze, eta abarrekin; eta kontuan izanik ikasleen aniztasuna eta espektatiba desberdinak, banan-banako jarraipena egitera behartzen du, eta gure Zentroan irakasle tutorearen irudiari egokitu zaio ardura hori.

Arau gisa, Instrumentu Irakaslea da tutorea, instrumentua ikasten hasi ez diren ikasleekin ez ezik, kasu horretan Musika Hizkuntzako Irakasleak hartzen baitu beregan lan garrantzitsu hori.

Parque Mendibil. Ap. 41 - 20300 - Irun - Gipuzkoa T. 943 617 731 \| F. 943 614 364	kontaktua \| erabilerraztasuna	adimediak garatua