Ayuntamiento de Irun: Irun.org

NABEGAZIO LAGUNTZAK

Edukinara salto egin

Irunen bizi

Zure zerbitzura

Irun ezagutu

Zure udaletxea

Irungo Udalaren logotipoa
Osteguna, 2021 Apirilak 22 Eguraldia kontsultatu Kale Izendegia Twitter Youtube RSS Instagram

Goardiako farmazia

Irungo Udalaren logotipoa

Gaur Irunen

Hezkuntza eta Gazteria

Hiriko gazteen rol protagonista indartzeko bide-orria

*

Santi Jiménez Hezkuntza eta Gazteriako ordezkariak eta Irati Redondo arloko teknikariak aurkeztu dute prentsaurreko batean Haur eta Nerabeen I. Udal Plana. Udalbatzak ekimena onartu zuen aurreko ostiralean eta , horrela, fase berri bati hasiera eman zaio, hilabeteetan dokumentua lantzen ibili ondoren.

Santi Jiménezek programaren sorburua aipatu du aurrena. 2019ko azaroan jaio zen, "Irungo Udalean konpromiso bat hartu genuenean hiriko haur eta gazteekin. Gazteria Zerbitzuaren bidez, gure hiria Haurren Laguna dela aitortzeko aintzatespena lortzeko hautagaitza aurkeztu genuen. UNICEFek titulu hori ematen die giza eskubideak eta Haurren Eskubideen Konbentzioa sustatzen eta ezartzen dituzten udalerriei".

Hortxe hasi zen Irungo Udaleko Haur eta Nerabeen I. Planaren ibilbidea. Gazteria Arloaren hitzetan, honako hauek dira plana indarrean egongo den datozen lau urteotako helburuak: hiriko haur eta gazteen alorreko politiken etengabeko hobekuntza eta berrikuntza sustatzea eta haurrek eta nerabeek benetan parte hartzeko mekanismoak sortzea, epe luzera gazteenak udalaren jardueran txertatzeko estrategia batekin.

"Haurrek eta nerabeek parte hartzeko organo bat sortu zen Irungo ikastetxeetako ordezkariekin eta haurtxoko eta gaztelekuetan ibiltzen diren haur eta nerabeekin. Haurren eta nerabeen alorreko politikako departamentu arteko mahai bat ere sortu zen, udaleko zenbait arlotako ordezkariekin. Gainera, Irungo haur eta gazteen egoeraren diagnostikoa egin genuen eta, horri guztiari esker, gaur egun errealitate bat dena gauzatu ahal izan dugu: Irungo Haur eta Nerabeen I. Plana, hain zuzen", esan du ordezkariak.

Gizarte Ongizateko Batzordean onetsi zen aurrena, eta aurreko ostiralean osoko bilkurara eraman zen plana, onartzeko. Bertan, udaleko talde guztiek onetsi zuten aho batez. "Asko pozten gaitu horrek, eta eskerrak ematen dizkiegu taldeei. Izan ere, garrantzitsua da hiriarentzako horrelako proiektuek guztion babesa eta inplikazioa izatea", gaineratu du Jiménezek.

Planaren ezaugarriak
Planaren oinarria hainbat eragilek egindako diagnostikoa da: hezkuntza-komunitatea, udal-zerbitzuetako hezitzaileak, udal-arloetako teknikariak eta haurrekin eta nerabeekin lan egiten duten hiriko elkarteak. Gainera, Irungo haur eta gazteen zuzeneko inplikazioa ere izan dugu. Datozen 4 urteetan udal-politika antolatzera bideratutako tresna bat izatea da asmoa, eta zenbait gai nabarmentzen ditu, hala nola haur eta gazteekin diharduten eragile guztien parte-hartzearen sistematizazioa, gaikuntza, koordinazioa eta elkarlaneko ikaskuntza.

Jarduteko sei ardatz definitu dira:

  • 1. ardatza. Haurren eta nerabeen eskubideak, parte-hartzea eta herritar aktiboak izatea
    Helburu nagusia: Irungo dinamika sozial eta instituzionaletan parte hartzeko duten eskubidea bermatzea haurrei eta nerabeei.
  • 2. ardatza. Ingurune seguru eta babesleak sortzea haurrentzat eta nerabeentzat. Helburu nagusia: Haurrak eta nerabeak ingurune seguru eta babesleetan elkarrekin bizi daitezen indartzea, euren gaitasun emozionalak, gizarte-balioak eta eraldatzeko gaitasuna behar bezala gara ditzaten, tratu oneko eta aukera-berdintasuneko esparruan.
  • 3. ardatza. Irungo haurrei, nerabeei eta familiei modu integralean arreta ematea gizarte-zaurgarritasuneko edo familia-indarkeriako edozein egoeraren aurrean, ikuspegi komunitarioko esku hartzea sustatuz eta egindako jardueren prebentzio izaeran arreta jarrita.
  • 4. ardatza. Hiri-ingurune seguruago, jasangarriago eta inklusiboago baterantz, gazteenak hiriko subjektu aktiboak izan daitezen eta ez bigarren edo hirugarren mailako erabiltzaile soilak. Helburu nagusia: Haurrak eta nerabeak aktiboki inplikatzea hiri ingurunea eraldatzeko prozesuan.
  • 5. ardatza. Irungo haurrentzako eta nerabeentzako zerbitzu, instalazio eta jarduera berriak aztertzea, hobetzea, berritzea eta sortzea.
  • 6. ardatza. Politika publikoen zeharkakotasuna eta integraltasuna. Helburu nagusia: Haurren eta nerabeen bizi-baldintzak hobetzera bideratutako politika publikoak ezartzea, zeharka eta modu integralean, Irungo Udalaren funtzionamendua eta kudeaketa optimizatzeko, eragin sozial handiagoa sortuz sinergietan eta haurrekin eta nerabeekin lan egiten duten Irungo subjektu aktiboen baterako lanean oinarrituta, aurreko bost ekintza-ardatzetatik abiatuta.
 

© Irungo Udala - Ayuntamiento de Irun
SAC. Tel. 010 - Tel. 943 50 51 52

© Irungo Udala - Ayuntamiento de Irun - www.irun.org - SAC. Tel. 010 - Tel. 943 50 51 52