Gaur Irunen

Euskara

Irungo Euskera Ikaslearen Txartela

Irunen euskara ikasten ari diren ikasle guztiek izango dute Euskara Ikaslearen Txartela jasotzeko aukera. Txartel hau aurkeztuz, euskara ikasleek euskarazko produktu eta zerbitzuei buruzko informazioa jasoko dute eta prezio eskuragarriagoak lortuko dituzte.
Euskara Ikaslearen Txartela eskuratzeko izen-emate orria Irungo euskaltegietan eta Hizkuntza Eskola Ofizialeko administrazioetan egongo da.

Euskara Ikaslearen Txartelarekin, ikasleak beherapenak lortuko ditu hainbat erakunde eta argitalpenek eskaintzen dituzten produktu edo sarreretan. Adibidez,  Amaia Kultur Zentroa,Oiasso Museoa, Txillida Leku, Aquarium eta Zientziaren Kutxagunea. Halaber,  baldintza bereziak izango dituzte Berria egunkarian, Luma, Argia edota Gaztezulo aldizkarietan harpidetzeko.