HAUR ETA GAZTEEN ATALA  
 
 
Irungo Udal Liburutegiko beheko solairuan, atzeko aldean, haur eta gazteen atala dago, eta hor jasotzen dira erabiltzaile gazteenentzako bildumak. Gela honetan fondoak norberak zuzenean eskura ditzake. Bildumak Germán Sánchez-Ruipérez fundazioaren Haur eta Gazte Literaturaren Guneak gomendatutako irizpideari jarraituz antolatuta daude. Fondoak koloretan banatzen ditu adinaren arabera:
 
 
3 urtetik 5era URDINA
6 urtetik 8ra GORRIA
9 urtetik 11ra BERDEA
12 urtetik 14ra HORIA
14 urtetik gora Hiruki URDINA
Euskara Hiruki HORIA
     
 
Gelako altzarien ezaugarriak kontuan hartuta, gelan soilik 12 urtetik beherakoak egon daitezke. Adin horretatik gorakoek gela orokorreko instalazioak erabili behar dituzte. Fondo horien mailegurako eta kontsultarako, helduen liburutegiko arauei jarraitzen zaie.
 
 
 
 
HELDUEN ATALA  
 
 
Helduentzako mailegu atala eraikinaren beheko eta lehenengo solairuetan banatuta dago. Atal honetan 10.000 liburuki inguru daude Irungo Udal Liburutegiaren erabiltzaileen esku, eta norberak eskuratzeko moduan daude. Beheko solairuan literatur fondo gehiena dago, eta lehenengo solairuan, berriz, gainontzeko disziplinei dagozkien fondoak, Sailkapen Hamartar Orokorrak ezarritako irizpideen arabera jarriak, zerotik bederatzira, jakintza talde eta/edo arloaren arabera.
   
 
   
 
 
ERREFERENTZIA ATALA  
 
 
Irungo Udal Liburutegiko erreferentzia atala eraikineko bi solairutan dago banatuta. Beheko solairuan erreferentzia obra orokorrak daude, hala nola: entziklopeidiak, hiztegiak, atlasak, etab., eta lehenengo solairuan, berriz, kontsulta orokorrerako gela batean, jakintza-arlo bakoitzeko erreferentzia obra berezituak daude. Atal honetako materialak edonork erabiltzekoak dira, baina ezin dira mailegatu.