Euskarri emozionalak eta arteterapiatik bitarteko artistikoen bidez laguntzeak pertsonari berari soilik eskainitako espazio bat eman diezaioke, emozioen komunikazioa, adierazpena eta lanketa konfiantzazko eta segurtasuneko giro batetik sustatuz. Arteterapia esku-hartze bereziki baliozkoa da, eta askotan hitzen beharrik gabe sentimenduak askatasunez adieraztea errazten du; izan ere, batzuetan, ahozko komunikazioa oso zaila izan daiteke.

Sentimenduak eta barne-gatazkak ikusizkoan proiektatzeko pertsona bakoitzak duen gaitasunean (ezagutza artistikoak eduki edo ez) oinarritzen da arteterapia. Horrek, terapeutaren esku-hartzearekin batera, lotura bat ezartzeko aukera ematen du irudiaren eta bizi-egoeraren artean.

Helburua behar bezain segurua den gune bat sortzea da, eta gune horretan pertsonak askatasunez egingo ditu adierazpenak, eta zailtasun psikologikoak eta emozionalak eutsi eta landu ahalko dira.

Arteterapiari onura ateratzeko, ez dago ezagutzarik izan beharrik bitarteko artistikoei buruz, obra ez baita berezko helburua eta helburua ez baita pertsonari ezagutza eta trebetasun artistikoak ematea, baizik eta bere gatazkak eta emozioak adierazteko bide bat ematea.

Koordinatzalea: Margi Egiguren

2021EKO EGITARAUA

URTARRILA

OTSAILA

MARTXOA

 APIRILA

MAIATZA

EKAINA