Udal Artxiboak kontsultak egiteko bi zerbitzu-mota eskaintzen ditu: prentsa eta dokumentazioa.

Artxiboak hiritarraren eskura jartzen du Hemeroteka zerbitzu bat zuzeneko atentziorako gelan. Horrela erraztasunak ematen zaizkio erabiltzaileari aldizkako argitalpenak (prentsa eta aldizkariak) eta aldizkari ofizialak eskuratzeko. Hona eskura dauden argitalpen batzuk::

   Prentsa
             • Deia
             • El Diario Vasco
             • Gara
             • El Mundo
             • El País

   Aldizkari Ofizialak
             • Gipuzkoako Aldizkari Ofiziala
             • Estatuko Aldizkari Ofiziala
             • Euskadiko Aldizkari Ofiziala

Azken horiek paperean nahiz euskarri informatikoetan kontsulta daitezke.

Artxiboan dauden langileei eskatu behar zaizkie gela honetan ez dauden aurreko egunetako buletinak edo/eta aldizkako argitalpenak. Prozedura bera erabiliko da gela honetan ez dauden beste aldizkako argitalpenak kontsultatzeko orduan (ikus zerrenda).

Eskuragarri dauden beste argitalpen batzuk:

Horiexek dira Udal Artxiboak bildu dituen argitalpen batzuk (Artxiboan dago eskuragarri argitalpenen zerrenda osoa).

(gora)

Artxiboaren egiteko garrantzitsuenetako bat Udalak bere funtzioen jardunean sortzen eta jasotzen duen dokumentazioa biltzea da. Udal arloek aldian behin Artxiboari igortzen dioten dokumentazio honek osatzen du, hain zuzen ere, Fondo Administratiboa. Denboraren joanean halako balio historikoa edo balio iraunkorra duen dokumentazio, berriz, Fondo Historikoan geratzen da.

Fondo Administratiboa:
Espedienteez osatua dago eta, espedienteak, aldi berean, dokumentuez osatuak daude. Era askotakoak dira dokumentu hauek: obren espedienteekin hasi eta espediente pertsonalekin buka.

Egun erabiltzen den Sailkapen-Koadroak aukera ematen du Fondoa osatzen duten Sekzioak, Azpi-sekzioak eta Sailak bereizteko.
(SAKATU MARRAZKIAN KONTSULTATZEKO)

Fondo Administratiboa da Artxiboaren erabiltzaileek (Administrazioa bera eta hiritarrak) gehien kontsultatzen dutena, eta beti kontuan hartzen da norbanakoaren intimitatearen errespetoa, Konstituzioak aurreikusi bezala. Adibide gisa, esan daiteke eraikuntzen eta errolden espedienteak direla maizenik kontsultatzen direnak. Kontsulta horien bidez, etxebizitza baten planoak eskura daitezke obra bat egiteko, edo familiaren azterketa genealogikoa egin daiteke (1877. urteaz gerozko erroldak daude eskuragarri).

(gora)

Mendeetan zehar galera handiak izan ditu Udal Artxiboak, gehienetan gerra garaian eginiko triskantzen ondorioz, Irunen izaniko guda guztiek neurri handiagoan edo txikiagoan kaltetu egin baitzuten dokumentazioa. Hala ere, dokumentu-kopuru handia libratu zen hondamenditik, eta gaurko egunean, garai bateko Irun ezagutzeko eta gure garaikoa hobeto ezagutzeko egokiera eskaintzen digute dokumentu horiek.

Fondo Historikoa:
1897 eta 1898 bitartean, Serapio Mugica jauna (Gipuzkoako Udal Artxiboetako Ikuskatzailea), Irungo hiriko Udal Artxiboko dokumentazio guztia ordenatzeaz eta inbentarioan jasotzeaz arduratu zen. Lan horren emaitza gisa Artxiboko dokumentu guztien Aurkibide bat prestatu zuen, eta bertan ondo asko islatzen da kronikariak erabili zuen Salkapen-Koadroa. Koadro hori bost sekziotan banatua dago, eta sekzio horiek ataletan eta sailetan, eta bertan garbi ikusten da 1910 arte dokumentazioa nola antolatu zen. Era askotakoak dira Fondo Historikoak dauzkan dokumentuei esker egin daitezkeen kontsultak. Aurkibideari eta Sailkapen-Koadroari esker aurkitu daiteke dokumentazio oro.

Artxiboak badu beste era bateko dokumentazioa ere: jaietako programak eta foiletoak, kartelak, argazkiak, planoak eta mapak, egutegiak, postalak eta gidak, eta horiek guztiak kontsulta daitezke artxiboko langileei eskatuta.

(gora)

Artxiboan dagoen dokumentazioa zuzenean kontsultatu daiteke jatorrizko euskarrian edo ordenadorearen bidez.

Zuzeneko kontsulta:
Aldizkari ofizialak, egunkariak eta aldizkariak paperean kontsulta daitezke Zuzeneko atentzioa eskaintzeko gelan. Beste argitalpen-motaren bat edo aldizkarien ale zaharrak kontsultatu nahi izanez gero, artxiboko langileei eskatuko zaizkie.
Fondo Administratiboan eta Historikoan dauden dokumentuak Zuzeneko Atentzioa eskaintzeko Gelan eta Ikertzaileen Gelan kontsulta daitezke, Artxiboko langileei eskatuz gero. Liburutegi osagarria da Artxiboak eskaintzen duen zuzeneko kontsultarako beste zerbitzu bat. Liburutegi hori ikerketa-gelan dago, eta beste baliabide batzuen artean, herriko historiari buruzko erreferentzia-obrak aurki daitezke bertan.

Ordenadorearen bidezko kontsulta:
Interneti lotutako ordenadoreen bidez, aldizkari ofizialak euskarri informatikoan ere kontsulta daitezke Zuzeneko Atentzioa eskaintzeko Gelan. Era berean, Udal Artxiboan instalatu den artxiboak gestionatzeko programak (IADOC) aukera ematen dio erabiltzaileari Fondo Administratiboaren, Historikoaren eta Prentsa-Fondoaren parte handi bat kontsultatzeko. Sistema berri honen bidez errazago lor daiteke informazioa: kontsultak azkarrago egin daitezke eta dokumentazioa zuzenean ikus daiteke terminalean. Hori guztia, dokumentuak kontserbatzeko eta azkar kontsultatzeko bideratzen ari den digitalizazio proiektuari esker. Gaurko egunean milioi bat orrialdetatik gora digitalizatuta daude. Eskaneatzeko prozesuak eskaintzen duen abantailetako bat dokumentazioa benetan den bezalakoa ikusteko aukera da; gainera, dokumentazioa zuzenean erabilita eragiten den narriadura (esku artean erabiltzearen poderioz eragiten den narriadura, urratuak egiteko arriskua, kopiatzerakoan jasaten duen bat-bateko tenperatura-aldaketa.) saihesten da modu horretan.

(gora)